Së bashku me Alfred Skonjën, personin e sapodalë nga burgu është plagosur edhe djali i një efektivi policie në Durrës. Ilir Çyrbja dhe Alfred Skonja ishin shokë me njëri tjetrin. Policia tha se ata ishin konsumues të lëndëve narkotike. Deri tani dihet se persona të panjohur kanë qëlluar drejt tyre. Çyrbja punon si marinar dhe ka marrë një plagë në këmbë ndërsa ndodhet i shtruar në spitalin e Durrësit ku është jashtë rrezikut për jetën.
Miku i tij Alfred Skonja ndodhet në spitalin e Traumës në gjendje më të rëndë. Skonja u arrestua në 25 gusht si i dyshuar se kishte organizuar vrasjen e një shtetasi, por më pas ishte liruar për mungesë provash. Ai është liruar pasi kreu masën e paraburgimit 30 ditë burg. Burime nga grupi hetimor bëjnë me dije se në vendin e ngjarjes janë gjetur 6 gëzhoja pistolete. 4 plumba ka marrë Skonja ndërsa Çyrbja ka marrë 2 plumba.
