Kapiteni i Kombëtares Shqiptare Lorik Cana ka qenë në qendër të vëmendjes sa i takon merkatos, pas aventurës së kuqezinjve në kampionatin Europian. Ashtu si edhe për lojtarët e tjerë që ishin në Francë, për mbrojtësin nuk kanë munguar oferta nga Arabia dhe Shtetet e Bashkuara të Amerikës, por ditët e fundit në skenë ka dalë edhe një ekip grek. AEK Athina ka kërkuar shërbimet e mbrojtësit, por do të mbetet për tu parë nëse Cana është gati për një aventurë në kampionatin helen të futbollit.
