“Kur do të shohim udhëheqësit e Serbisë të bëjnë të njëjtën gjë për krimet e kryera në Kosovë, si parakusht për një proces normalizimi e pajtimi mes shqiptarëve dhe serbëve?“
Kjo është pyetja që ngre në një postim të tijin në Facebook ish ministri i jashtëm Ditmir Bushati.
Teksa sjell një shembull nga Lufta e Dytë Botërore, Bushati nuk kursen as “thumbimet”.
“Piruetat me këmbime territoresh, relativizimi dhe amnestimi i përgjegjësisë shtetërore që mban Serbia për krimet e kryera në Kosovë, në funksion të mbijetesës politike, shpresoj të kenë shërbyer si mësim i hidhur për këdo”, shkruan ndër të tjera Bushati.
Ditmir Bushati: ‘Unë bëra atë që bëjnë njerëzit kur fjalët dështojnë’, do të shpjegonte 50 vite më parë, Kancelari Gjerman Willy Brandt aktin e tij të rënies në gjunjë para memorialit për viktimat e kryengritjes së getos së Varshavës, të vitit 1943.
Një moment simbolik i pranimit dhe ballafaqimit me të vërtetën e Gjermanisë dhe historisë së Europës pas Luftës së Dytë Botërore.
Dy dekada nga çlirimi i Kosovës dhe përfshirja e të gjitha vendeve të rajonit në procesin e integrimit europian, shtrohet pyetja: Kur do të shohim udhëheqësit e Serbisë të bëjnë të njëjtën gjë për krimet e kryera në Kosovë, si parakusht për një proces normalizimi e pajtimi mes shqiptarëve dhe serbëve?
Piruetat me këmbime territoresh, relativizimi dhe amnestimi i përgjegjësisë shtetërore që mban Serbia për krimet e kryera në Kosovë, në funksion të mbijetesës politike, shpresoj të kenë shërbyer si mësim i hidhur për këdo.
Tanimë, nevojitet kurajo dhe përgjegjshmëri për t’u ballafaquar me ketë realitet dhe kurrësesi për t’u përfshirë në revizionimin e historisë’.
Kohët e fundit shihet një ftohje e marrëdhënieve mes kryeministrit Edi Rama dhe ish ministrit të tij Bushati, teksa ky i fundit është shprehur kundër idesë së shkëmbimit të territoreve që në krye të herës, atëherë kur shefi i qeverisë në Tiranë akuzohej edhe nga homologu i tij në Prishtinë Ramush Haradinaj se ishte pro asaj ideje.
Për më tepër tani, pak ditë pasi Bushati nuk mori postin e përfaqësuesit të lirisë së mediat në OSBE.
Në 4 kandidatë që kishte propozuar kryesia shqiptare e OSBE binte në sy munges e emrit të Ditmir Bushatit. Në zgjedhje të tilla nuk ka garë por vetëm propozime që më pas votohen nga 57 vendet anëtare.
