Një 50-vjeçar është vënë në pranga gjatë ditës së sotme në Bulqizë, ndërsa i është gjetur një arsenal armësh dhe lëndë plasëse.
Burime nga policia thanë se gjatë operacionit të koduar “Pranverë 2016” është arrestuar Martin Biba, 50 vjeç i njohur në Bulqizë si një nga personazhet dhe “të fortët e zonës”.
Operacioni “Pranverë 2016”:
Në kuadër të operacionit policor të koduar ‘Pranverë 2016″, më datë 04.05.2016, nga Komisariatit i Policisë Bulqizë në bashkëpunim me Sektorin Kundër Krimeve të Rënda në Drejtorinë Vendore të Policisë Dibër u bë arrestimi i shtetasit:
Martin Biba, 50 vjeç, banues në Bulqizë, i dënuar disa herë më parë për “Plagosje”, “Vetëgjyqësi” e “Kanosje”.
Shtetasi i lartpërmendur ka tentuar të largohet në momentin e arrestimit duke u hedhur nga një mur i lartë ku për pasojë ka dëmtuar këmbën. Gjatë kontrollit të banesës së ketij shtetasi u gjetën dhe u sekuestruan:
1 Armë zjarri Kallashnikov me dy krehëra të lidhur me natriban me njëri -tjetrin, 5 arka me fishekë model 56, një krëhër pistolete model 54 me shtatë fishekë brenda tij, një bobinë me 500 m fitil detonator.
Materialet i kaluan Prokurorisë për veprat penale “Mbajtja pa leje e armëve luftarake dhe municionit” dhe “Mosbindja ndaj urdhrit të punonjësit të policisë”.
