Në revistën italiane “Chi” janë publikuar fotografi të reja të Flavio Briatore teksa ndodhet me pushime në Sardenja. Pranë tij ndodhet një vajzë e re dhe shumë seksi.
Është fjala për stilisten dhe influencuesen, Maria Ludovica Campana. Briatore, i cili është një ndër njerëzit më të pasur dhe më të njohur në Itali, njihet gjithashtu edhe për lidhjet e tij të shumta. Pas divorcit me Elisabetta Gregoraci-n, me të cilën kishte 11 vite bashkëjetesë, ish-bosi i Formula 1 është parë shpesh në shoqërinë e vajzave të reja.
Ndërkohë thuhet se 70-vjeçari dhe 24-vjeçarja janë njohur nga një mik i tyre i përbashkët gjatë një darke në Porto Cervo.
Briatore gjatë izolimit për shkak të pandemisë së koronavirusit është transferuar në vilën e tij të re në Sardenja. Madje në rrjetet sociale ai ka publikuar fotografi me të birin 10-vjeçar, Nathan Falco, të cilin e ka me ish-bashkëshorten Gregoraci.
