Ndërkaq, kur ndan edhe një ditë nga protesta e opozitës, Basha u ka bërë thirrje të gjithëve që t’i bashkohen protestës së opozitës, e cila do të jetë paqësore ku asnjë qytetarë nuk duhet të frikësohet.
Ai tha se nga kjo protestë duhet të trembet vetëm qeveria, sipas të cilit, është e korruptuar.
“Ftoj të gjithë qytetarët në manifestin e 13 majit në orën 12:00 në këtë vend të lirisë, ku do të mbahet protesta më e madhe si një referendum kundër qeverisë. Kësaj i trembet republika e vjetër, e duhet t’i tremben nuk ka shtet të korruptuar t’i bëjë ballë dëshirës së qytetarëve për liri. Protesta do jetë paqësore, ndaj bashkohuni me mua, me familjen time dhe me fëmijët e mi. Do të jemi këtu. Ejani me zemrat e mbushura me një besim për të nesërmen që po vjen”, u shpreh Basha.
Kryedemokrati Basha ka zgjedhur që t’i përgjigjet dhe ndërkombëtarëve apo kritikëve të cilët e kanë cilësuar protestën e opozitës si një bllokim për vendin në rrugën drejt BE.
Basha tha se çadra në të cilën po zhvillohet prej ditësh protesta e opozitës, është vendi që po lufton më së shumti për vlerat europiane.
“Në asnjë cep të kontinentin europian nuk luftohet kaq fuqishëm për vlerat e Europës së në këtë shesh të lirisë. Europa e vlerave është Europa e zgjedhjeve të lira. Pa zgjedhje të lira nuk kishte për të pasur zgjedhje të lira, Europa nuk ndëshkon të pafajshmin dhe ngre kriminelin. Është beteja për vlerat elementare pa të cilat nuk mund të ketë Europë. Teksa marshojmë të sigurt drejt të sigurt drejt BE ndjejmë mbi supet tona peshën e sfidës dhe përgjegjësisë me të cilën përballemi”, u shpreh Basha.
