“Gjykata ka konstatuar se nuk është respektuar parimi i meritokracisë, që është parim bazë, atëherë kur zgjidhen gjyqtarët në poste udhëheqëse”, ka thënë Qerkini.
“Në votimin për Valdete Dakën nuk është përcaktuar vlera e votës abstenuese. Prandaj, Gjykata Kushtetuese ka kërkuar nga Këshilli Gjyqësor të përcaktojë vlerën e votës abstenuese. Përzgjedhja e gjyqtarëve duhet të bëhet në bazë të meritokracisë”.
“I mbetet Këshillit Gjyqësor të përcaktojë një sistem ku meritokracia të mbizotërojë”.
Ai ka thënë se ky rast, i kryetares aktuale të Komisioni Qendror Zgjedhor, është i pari i këtij lloji, mirëpo që do të shërbej për të ardhmen.
“Kjo është hera e parë që ndodh diçka e tillë, që do të shërbejë për të zgjedhur disa dilema, dhe ky rast dhe vendimi i Gjykatës Kushtetuese do të shërbejë si precedent për rastet e tjera”.
“Pres që gjithçka të kryhet në kohë optimale, pasi ky vendim duhet të zgjidhet drejt. Pra të mos vonohet tejmase, por as mos të bëhet me nguti”.
