Sipas njoftimit të Policisë së Kosovës, i arrestuari dyshohet se kishte shlyer shuma të ndryshme të tatimpaguesve duke dëmtuar buxhetin komunal.
“Është arrestuar i dyshuari mashkull K/Shqiptar punonjës në zyrën për komunitete dhe kthim në Pejë, pasi që i njëjti dyshohet se që nga viti 2010 e deri më tani në mënyrë të kundërligjshme ka ndërhyrë në programin e tatimit në pronë dhe ka shlyer shuma të ndryshme të tatimpaguesve, duke shkaktuar dëm të konsiderueshëm në buxhetin e Kuvendit Komunal Pejë. Me vendim të prokurorit i dyshuari pas intervistimit është dërguar në mbajtje”, thuhet në njoftim.
