Deklarata e Sali Berishës të enjten e kaluar që shqiptarët të marrin armët për tu vetëmbrojtur, nuk ka kaluar pa zhurmë. Ajo bëri që shumisa ta dënojë ish kryeministrin me dhjetë ditë mungesë. Ajo ka sjellë si pasojë bojkotimin e parlamentit nga opozita.
Lidhur me përsetë e këtij akti deri më tani kemi dy shpjegime. Vetë demokratët thonë se nuk ka rrugë tjetër që shqiptarët të mbrohen nga bandat. Rama në të kundërtën pretendon se paraardhësi i tij shfrytëzon çdo lloj shjkaku për të prishur frymën konsensuale që i duhet reformës në drejtësi.
Por përpos këtyre duhet parë se cili është qëllimi real dhe i vërtetë i Berishës.
Ai sot e ka pranuar me gojën e tij se qëndrimi i tij për armatosjen e qytetarëve nuk duhet të jetë domosdoshmërisht edhe ai i PD-së.Duke e ditur se ajo është një tezë e së djathtës ekstreme Berisha është munduar ta mbrojë atë me traditën e vjetër të kullave shqiptare. Ai madje i ka kërkuar partisë së tij që mos hartojë një projektligj për ta bërë konkret propozimin e tij. Ai e di gjithështu se një projektligj i tillë as nuk kishte shanc të kalonte në këtë kuvend.
Atëhere pse e bëri Berisha deklaratën bombë kur ai e di se shqiptarët nuk mund të fitojnë realisht prej saj?
Arsyeja që jep Rama dhe që thonë nën zë socialistët vështirë se qëndron. Vërtetë Berisha mund të mos e dojë reformën në drejtësi, por jo për arsyet që nënkuptojë kundërshtarët e tij: gjoja se trembet për veten dhe për atë që familjarët e tij kanë bërë gjatë qeverisjes së mëparshme. Në këtë kuptim Berisha e di se kur si hyri gjëmb në këmbë pas ’97, tani as ka shance që të ndodhë.
Por frika e tij më shumë sesa personale dhe fizike është politike. Ai nuk bën deklarata të pafrytshme dhe radikale sepse do të mbrojë veten, por sepse do të ruajë hegjemoninë e tin në parti. Në PD ai është simboli i vijës së ashpër dhe ai kërkon me të gjitha mënyrat që kjo linjë të mbetet mbizotëruese.
Në këtë kuptim, aktet e tij të ashpra, që nga shenja me dorë për të braktisur parlamentin ditën e parë e deri tek deklarata për armatosjen në fund, nuk janë armë lufte kundër Ramës. Më tepër ato janë mjete për të mbajtur në hije pasardhësin e tij Bashën, të cilin e lejoi ti zërë vendin, por nuk mund ta lërë të ndryshojë edhe fizionominë e PD?
