Autoritetet afgane thanë se ushtria amerikane u largua aeroporti i Bagram, baza e saj kryesore në Afganistan në mes të natës dhe pa i njoftuar afganët. Gjenerali Asadullah Kohistani i tha BBC se SHBA. u largua nga Bagram në 03:00 të natës me orën lokale të premten dhe se ushtria afgane e mori vesh disa orë më vonë këtë fakt.
Në Bagram është gjithashtu edhe një burg, ku thuhet se se ka deri në 5,000 të burgosur talibanë. Talibanët kanë përparuar me shpejtësi në Afganistan, ndërsa trupat amerikane tërhiqen. Gjenerali Kohistani tha të hënën se forcat afgane po përgatiteshin që talibanët të sulmonin Bagram.
Duke folur para gazetarëve në bazën ajrore, ai tha se tashmë kishte raportime për lëvizje të militantëve në zonat rurale përreth aeroporti.
“Ne nuk jemi si amerikanët, por ne do të përpiqemi sipas aftësive tona. Ne po përpiqemi të bëjmë më të mirën dhe sa më shumë të jetë e mundur t’u ofrojmë qytetarëve siguri”, tha Kohistani.
SHBA. njoftoi të premten se kishte liruar Bagram, duke përfunduar efektivisht fushatën e saj ushtarake në Afganistan përpara datës zyrtare që është vendosur 11 shtatori, të njoftuar nga Presidenti Joe Biden më parë këtë vit.
Amerikanët lanë pas rreth 3.5 milion artikuj, tha Gjeneral Kohistani, duke përfshirë dhjetëra mijëra shishe me ujë, pije energjike dhe vakte të gatshme ushtarake. Ata gjithashtu lanë pas mijëra automjete civile, pa çelësa dhe qindra automjete të blinduara, njoftoi Associated Press.
“Ata morën armë të rënda me vete dhe shpërthyen disa rezerva municioni, por lanë pas armë të vogla dhe municione për afganët, tha Gjeneral Kohistani.
I pyetur nga Associated Press në lidhje me tërheqjen natën vonë nga baza, zëdhënësi ushtarak amerikan koloneli Sonny Leggett iu referua një deklarate të lëshuar javën e kaluar që tha se forcat amerikane kishin bashkërenduar largimin e tyre nga baza të ndryshme me udhëheqësit afganë.
20 minuta pas largimit të amerikanëve energjia elektrike u shkëput në Bagram dhe baza u zhyt në errësirë, raportoi AP, një sinjal për plaçkitësit që thyen pengesat dhe shkatërruan ndërtesat e braktisura. Sendet e mbetura nga baza kanë përfunduar në pikat e grumbullimit të skrapit dhe në dyqane të përdorurash.
Në kulmin e saj, baza e Bagram ishte shtëpia e dhjetëra-mijëra trupave. Baza u ngrit nga një bazë ajrore afgane në një mini-qytet me pishina, kinema, banjë dhe pika ushqimit të shpejtë Burger King dhe Pizza Hut.
Aeroporti u ndërtua nga Bashkimi Sovjetik në vitet 1950, duke u bërë baza e tij kryesore në vitet 1980 ndërsa u përpoq ta mbante të pushtuar Afganistanin.
Më vonë u pushtua nga qeveria afgane e mbështetur nga Moska dhe më pas një administratë muxhahedinësh, para se të përfundonte përfundimisht në duart e talebanëve, kur grupi erdhi në pushtet në mes të viteve 1990.
Kur SHBA pushtoi Afganistanin në 2001, ajo rrëzoi talebanët dhe mori kontrollin e bazës ajrore, duke e shndërruar atë në një kompleks të gjerë nga i cili bazoi luftën kundër grupit.
Tërheqja amerikane mbërrin në një periudhë pasigurie dhe dyshimesh nëse vetë forcat afgane janë në gjendje që ta përballojnë ofensivën talebane, që ka bërë përparime të mëdha duke kontrolluar tashmë rreth një të tretën e territorit të vendit.
Talebanët thonë se brenda pak ditësh do të kenë kontrollin e të paktën gjysmës së vendit, ndërsa pavarësisht ofensivës ushtarake thotë se paralelisht po bisedon me qeverinë e Kabulit. Zabiullah Mujahid, një zëdhënës i Talibanëve, i tha BBC se ata do t’i paraqisnin një plan ekipit që negocion në emër të qeverisë afgane dhe të dy palët do ta diskutojnë atë.
Gjeneral Kohistani ka afërsisht 3,000 trupa nën komandën e tij – dukshëm më pak se dhjetëra mijëra ushtarë amerikanë dhe aleatë që dikur pushtuan bazën ajrore Bagram.
Rreth 1,000 ushtarë afganë hynë në Taxhikistan ditën e hënë në përpjekje për të shmangur vdekjen nga ofensiva talebane në veri të Afganistanit.
