Lajmi është marr nga Reuters që ka siguruar dokumentin e ambasadës turke.
Në përpjekje për të siguruar një deklaratë zyrtare nga përfaqësuesit turq në Kosovë për tu deklaruar lidhur me vërtetësinë e kësaj kërkese, lajmi.net ka kontaktuar Ambasadën e Turqisë në Prishtinë.
Në tentimin e parë, gjatë një bisede që lajmi.net bëri me njërin nga këshilltarët e ambasadores, i fundit ka kërkuar kohë prej 15 minutave për t’u konsultuar me nivelin e lartë. Më pas, në përpjekjen e dytë, i njëjti nuk është përgjigjur, duke e drejtuar telefonatën në recepcion.
Ishin dy persona, një mashkull dhe një femër të cilët kërkonin kohë për këtë deklaratë duke thënë fillimisht se ky këshilltar gjendet në një mbledhje dhe pritet të lirohet pas gjysmë ore. Pas përpjekjes tjetër të bërë një orë më pas, i njëjti person, tha se këshilltari tashmë është jashtë objektit.
Ndonëse shihej qartë se këto ishin tentativa të zyrtarëve të kësaj ambasade për t’iu shmangur prononcimit, gazetari i lajmi.net provoi me edhe me dy telefonata, ku më pas u lajmëruar një femër që tha se ky këshilltar gjendet jashtë objektit. E njëjta tha se do ta kontaktojë këtë këshilltar dhe do t’ia bëjë me dije se është kërkuar sërish nga lajmi.net dhe kërkoi që të pritet për paraqitje të tij deri në orën 17:00 atëherë edhe kur i përfundon orari i punës.
Por, prapë doli që pritja ishte e pavlerë dhe se zyrtarët e kësaj ambasade nuk u lajmëruan.
Përpjekje u bënë për të pasur edhe ndonjë prononcim nga zyrtarë të Qeverisë së Kosovës, palës që iu drejtuar kërkesa, por edhe ata hezituan. Deri në kohën kur zëvendës ministri i Punëve të Jashtme dha një deklaratë për Radion Evropa e Lirë, ku tha se Kosova do t’i rregullojë këto çështje vetëm në bazë të ligjeve që i ka.
