Aktori serb, Miki Manojloviq: Nuk do të zemërohesha nëse Serbia e njeh Kosovën

Aktori i njohur serb, Predrag Miki Manojloviq, ka deklaruar se nuk do të zemërohej nëse Serbia do ta njihte Kosovën shtet i pavarur.

“Unë nuk do të isha i zemëruar nëse Srbia e njeh kosovën. Mendoj se me të gjitha gabimet të cilat janë bërë në 110 vitet e fundit nga pala serbe ndaj shqiptarëve dhe anasjelltas, me të gjitha dobësitë e shqiptare e serbe, politika e dhunës asnjëherë nuk sjell asgjë të mirë”, citohet të ketë thënë Manojloviq për Deutsche Welle, përcjell Telegrafi.

Duke komentuar protestat e fundit në Serbi, Manojloviq ka vlerësuar se ato janë të kota, sepse, sipas tij, opozita në Serbi nuk ka program. /Telegrafi/