Gazetarë të shumtë u mblidhen sot para Qeverisë së Kosovës në mbështetje të fjalës së lirë në Kosovë. Me moton “Fol shlirë mos u tut”, Asociacioni i Gazetarëve të Kosovës përmes një proteste, ka kërkuar nga kryeministri i Kosovës, Isa Mustafa t’i kërkojë falje publikisht gazetarit, Vehbi Kajtazi për kërcënimet që sipas tyre, i ka bërë kryeministri përmes një telefonate në viber.
Kryetari i AGK, Zekirja Shabani tha se Asociacioni i Gazetarëve të Kosovës kërkon nga kreu i Qeverisë, Isa Mustafa që të kërkojë falje publike dhe të sqaroj pozicionin e tij në raport me akuzat e ngritura për kanosje ndaj kolegut të tyre.
Sipas tij, shkaktarë për këto kërcënime dhe sulmet ndaj gazetarëve është edhe mos efikasiteti i punës së gjykatave, ku vetëm në vitin 2015 kanë ndodhur 27 sulme të gazetarëve, ndërsa, këtë vit një kolegë i tyre është sulmuar me shufra hekuri.
Shabani: AGK kërkon nga Isa Mustafa që të kërkojë falje publike
“Asociacioni i Gazetarëve të Kosovës kërkon nga kreu i Qeverisë, Isa Mustafa që të kërkojë falje publike që të sqaroj pozicionin e tij në raport me akuzat e ngritura për kanosje ndaj kolegut, Vehbi Kajtazi , të cilën gjë kryeministri edhe para dy ditëve nuk e ka sqaruar. AGK kundërshton çfarëdo lloj presioni mbi gazetarët dhe njëherësh kërkon nga organet e sigurisë dhe drejtësisë që të marrin masa për të hetuar dhe gjykuar në kohë të gjithë cenuesit e fjalës së lirë….mos efikasiteti i punës së gjykatave ka bërë që palët e pa kënaqura me punën e gazetarëve më lehtë të na vinë në redaksi dhe të na sulmojnë edhe fizikisht sesa t’i drejtohen organeve të drejtësisë. Kjo është dëshmuar në 27 raste në vitin e kaluar, madje këtë vit kemi pasur edhe një rast të tmerrshëm kur një kolegë i yni është sulmuar me shufra hekuri…AGK zotohet ta vazhdoj angazhimin maksimal në mbrojtjen e të drejtave të garantuara të gazetarëve dhe krijimin e hapësirës që mediat në Kosovë të jenë të lira dhe të pavarura në punën e tyre”, tha Shabani.
Gazetari Vehbi Kajtazi, i cili pretendon se është kërcënuar nga kryeministri, Isa Mustafa kërkon nga Policia dhe Prokuroria që t’i kryejnë hetimet në mënyrë të pavarur dhe të vërtetohen kërcënimet që janë bërë nga kreu i vendit.
Kajtazi: Po pres që shteti të veprojë njëjtë si me djalin e Mustafës
“Unë po pres që Policia dhe Prokuroria të kryej hetime të pavarura dhe të vërtetohet kanosja që kam marrë direkt nga kryeministri i Kosovës. Unë po pres që të ngritët aktakuzë kundër kryeministrit të Kosovës dhe ai të jap përgjegjësi për veprimet e tij. Unë po pres që shteti të veproj njëjtë siç ka vepruar në rastin e kërcënimit të djalit të kryeministrit, Mustafa dhe ministrit Arban Abrashi, sepse siç dihet për 48 orë një i ri që i ka kërcënuar ata ështà « arrestuar, është dërguar në gjyq dhe është ngritur aktakuzë, është gjykuar dhe është dënuar dhe iu ka caktuar paraburgimi për tre muaj ditë. Atëherë nëse të gjithë jemi qytetarë të barabartë të këtij vendi, unë pres që sigurisht Policia dhe Prokuroria ta kryej punën e pavarur dhe kryeministri me dal para drejtësisë për veprimet e tij”, tha ai.
Mos distancimi nga një akuzë e tillë që është bërë publike qe dy ditë përbën kërcënim të vazhdueshëm për punën dhe jetën e gazetarëve të tjerë tha kryetari i AGK, Zekrija Shabani, i cili theksoi se nëse kryeministri nuk kërkon falje, ata do të vazhdojnë të kërkojnë këtë gjë edhe në të ardhmen.
Shabani: Mos distancimi i kryeministrit përbën kërcënim të vazhdueshëm për gazetarët
“Ne presim nga kryeministri të reflektoj dhe të kërkoj falje kolegut Kajtazi sepse mos distancomi nga a snjë akuzë e tillë që tashmë është bërë publike, përbën kërcënim të vazhdueshëm për punën dhe jetën e gazetarëve të tjerë…sot me logon që kemi, me moton që kemi prapa i themi kryeministrit të flas të mos tutet dhe të kërkoj falje publike. Nëse kryeministri nuk reflekton, Asociacioni i Gazetarëve të Kosovës do të vazhdoj të kërkoj këtë nga kryeministri dhe për gjitha detajet tjera do të iu njoftojmë me kohë”, tha ai.
Sipas raportit të organizatës ndërkombëtare “Freedom House”, Kosova dhe Shqipëria radhitet në mesin e vendeve pjesërisht të lira edhe për vitin 2015. Në të njëjtën kategori janë edhe vendet e rajonit si Maqedonia, Mali i Zi dhe Bosnja e Hercegovina. Serbia kësaj radhe është përfshirë në mesin e vendeve të lira.
Kosova sa u përket të drejtave politike ka marrë notën 3 nga 4, sa ishte një vit më parë, ndërsa për liritë civile, vlerësimi është i pandrysh uar në 4. Sipas po të njëjtit raport, Kosova, Bosnja dhe Maqedonia përmenden si vende që janë përballur me qeverisje jofunksionale.
Protestojnë gazetarët, kërkojnë që drejtësia të merret me kryeministrin
Asociacioni i Gazetarëve të Kosovës me moton “Fol, mos u tut” protestuan sot para objektit të Qeverisë së Kosovës.
Dhjetëra gazetarë kërkuan kërkim falje nga kryeministri, Isa Mustafa ndaj gazetarit Vehbi Kajtazi.
Kryetar i Asociacionit të Gazetarëve, Zekirja Shabani duke dënuar presionin që sa po vjen e po rrite ndaj gazetare, tha se rritja e sulmeve po ndodh edhe nga zyrtarët e lartë qeveritar.
“Mos efikasiteti i punës së gjykatave ka bërë që të na sulmojnë nëpër zyra. 27 raste në vitin e kaluar kanë qenë. Kemi mbështetje edhe nga federata të tjera evropiane. Ne presim nga kryeministri që të kërkojnë falje. Kemi bërë thirrje që të flas, të mos tutet”, tha ai.
Ndërsa, vet Kajtazi tha se kërkon që të vërtetohet kanosja .
“Unë pres nga shteti të veproj njëjtë qysh ka vepruar në rastin e djalit të djalit të kryeministrit. Nëse të gjithë jemi qytetarë të barabartë pres nga drejtësia që të kryen punën e vet dhe kryeministri të dal para drejtësisë. Kryeministri nuk e ka mohuar, unë e kam dëshmuar që kryeministri më ka telefonu dhe më ka fy dhe më ka kërcënu. Unë po pres nga drejtësia që të kryej punën e saj”, ka thënë Kajtazi.
