Në tryezën e dytë të reformës në drejtësi mazhoranca tha se duhet të ndryshojë Kushtetuta. Ambasadori amerikan paraqiti disa pika që sipas tij përbënin recetën e suksesit të reformës, ndërsa i bëri thirrje mazhorancës që të përfshijë sinqerisht opozitën në këtë proces. Demokratët thanë se qeveria po i fton në reforme, pasi kapi institucionet me njerëzit e saj.
Tryeza e dytë e reformës në drejtësi nuk ia doli të ngrihej në nivel teknik, sepse ka një shqetësim kryesor për vendin ku ajo do të gatuhet, në mes të debatit politik.
Kësaj i mëshoi ambasadori i Shteteve të Bashkuara të Amerikës, sipas të cilit mazhoranca duhet të japë garanci që opozitën nuk e do në këtë proces vetëm sa për sy e faqe.
Madje ai kishte sjellë edhe recetën e suksesit, sipas të cilës duhet maturi, jo ligje të motivuara politikisht apo zëvendësime politike në institucionet e gjyqësorit. Në të kundërt kjo reformë do të ishte zhgënjimi i radhës për qytetarët dhe ndërkombëtarët dhe sherri mes politikës do vazhdonte.
Mazhoranca që në ekzekutiv përfaqësohej me LSI dhe në parlament me PS-në, premtuan se nuk ka mungesë sinqeriteti në ftesën e tyre ndaj opozitës, pa të cilën në fakt nuk mund të përmbushin qëllimin e ndryshimeve kushtetuese, të paktën me raportin aktual të votave në Parlament.
Me mungesë të theksuar besimi, por jo aq sa për të bojkotuar përfundimisht reformën, opozita tha se në fakt shumica arriti në këtë pikë, pasi votoi ligje të njëanshme, dhe solli në institucionet e drejtësië njerëzit e saj.
Institucioni i presidencës tha se është për çdo ndërhyrje ligjore që garanton pavarësinë e gjyqësorit nga politika. Nuk është dakord me fyrjen koolektivë ndaj gjyqtarëve, të cilëve po u kërkohet një cilësi pune e standardeve europiane, pu garantuar kushtet e nevojshmeëëpr ta bërë këtë.
Tryeza e organizuar nga Ministria e Drejtësisë erdhi si porosi e Presidentit Nishani, në mënyrë që të arrihet në një udhërrfëyes për këtë reformë. Ekspertë vendas dhe të huaj dhanë këndvështrimet e tyre, ndër të cilat edhe zgjedhja e antërëve të Gjykatës së Lartë e asaj Kushtetuese me shumicë të cilësuar votash.
Disa propozime erdhën nga ministri i Drejtësisë për secilin institucion, por, gjithçka pritet të nisë nga komisioni i posaçëm parlamentar që do të ngrihet, nën ekspertizën e ndërkombëtare.
