I kërkuan organit të akuzës të nisë pa vonesë hetimin, duke besuar se prokuroria do të zbulojë se kush është i interesuar të pengojë zbardhjen e vrasjes së Artan Santos.
“Ne jemi besimplotë se Prokuroria e Shtetit do të dijë të jetë në lartësinë e detyrës së saj kushetutese për të përballur gjithkënd që shkeli ligjin duke tradhëtuar dëshmimtarët, që shkeli ligjin duke injoruar dëshmimtarët, që shkeli ligjin duke mbrojtur krimin dhe duke sulmuar dëshmimtarët dhe median për të shpëtuar nga ndëshkimi.
Eduard Halimi tha se vrasja e bankierit dhe botuesit Santo ishte ngjarja më e rëndë kriminale e vitit dhe, sipas tij është kriminal dhe i qëllimshëm mosveprimi i policisë pas dëshmisë së qyetarit që thotë se i njeh vrasësit.
“Mbarë opinioni publik sot është i tronditur, nga mënyra sesi policia nuk arreston të dyshuarit për krimin, por sulmon dëshmimtarët dhe median”, deklaroi deputeti i PD.
Disa zhvillime që nga dita e e vrasjes, e orientojnë opozitën drejt konkluzionit se qeveria është e përfshirë në krim mafioz
“Me faktet e dëshmimtarit policia duhej të kishte një provë më shumë për të zbardhur vrasjen mafioze, por në fakt qytetaret kanë një provë më shumë për fshehjen me dashje nga shteti të vrasjes mafioze, për lejimin e vrasësve të shëtisnin lirshëm me targa para vrasjes dhe pa targa ditën e vrasjes në qender të kryeqytetit, për lejimin e tyre të largoheshin nga Tirane pa ngritur asnjë postobllok të vetëm policie për më shumë se 1 orë nga ngjarja”, tha Halimi.
Por sipas Halimit moskryeja e veprimeve për të zbuluar, identifikuar dhe ndaluar autorët e dyshuar të vrasjes së së bankierit, përbën krim sipas Kodit Penal Shqiptar, ashtu si dhe lënia pa mbrojtje e dëshmitarëve.
Është radha e prokurorisë të mos bëjë atë që bëri qeveria – tha deputeti demokrat.
