Prishtinë, 15 qershor 2014 – Policia e Kosovës ka kërkuar ndihmën e të gjithë qytetarëve që mund të kenë ndonjë njohuri sado të vogël rreth vrasjes së Elvis Pistës.
Policia ofron edhe shpërblim prej 10 mijë eurosh për cilindo që jep çfarëdo informacionesh që mund të shpien në zbardhjen e rastit.
Në njoftimi n e Policisë së Kosovës thuhet:
Sot (15.06.2014) rreth orës 00:45 min. në qytetin e Rahovecit ka ndodhur një rast vrasje e rëndë, viktimë ne këtij krimi është Elvis Pista nga Rahaveci.
Vrasja ka ndodhur nërrugën e UÇK-se, saktësisht te parkingu i restorant Jaha Petrol, derisa viktima me disa të njohur ishte duke dalë nga objekti i këtij restoranti. Bazuar në hetimet preliminare ndaj viktimës është qëlluar nga mbrapa me armë zjarri, në një distancë rreth pesë metra largësi.
Sipas gëzhojave të cilat janë gjetur në vendin e ngjarjes, besohet se arma është e kalibrit të vogël dhe mund të ketë pasur “shurdhues” të zhurmës.
Policia e Kosovës apelon tek qytetarët që mund të kenë ndonjë njohuri sado të vogël rreth rastit ta ndihmojë policinë me informacione për gjetjen e autorit të vrasjes.
Policia e Kosovës ofron një shpërblim prej 10.000 euro(dhjetëmijë euro) për cilindo qytetar i cili mund të japë informacione të cilat shpien në zbardhjen ose zbulimin e këtij rasti.
Qytetarët të cilët kanë informacione lidhur me këtë rast mund ato t’i dërgojnë në këta numra telefoni dhe e-mail adrese:
Tel:- 080019999
-038550999
-192
e-mail:[email protected]
Thirrjet në këta numra të telefonit janë pa pagesë për të gjithë qytetarët. Qytetarët mund të ruajnë të drejtën e anonimitetit të informacionit në këta numra telefoni dhe në këtë e-mail adresë, përveçse nëse ata vetë vullnetarisht deklarohen se duan të prezantohen.
