“Deklaratat e Kryeministrit dhe Presidentit i japin zemër Serbisë të vazhdojë me këto gjëra që i bënë Kosovës, në krye me negociatorën që na ka “kënaq” në dialog me Serbinë. Kjo kurrë nuk arriti të ia bëjë me dije Bashkimit Evropian për këto fletëarreste që i ka Serbia. Ne besojmë që pikërisht për hir të shpërfaqjes së luftës të drejtë, Haradinaj të lirohet dhe t’i mundësohet vazhdimi i agjendës së tij. Luftëtarët e luftës së Kosovës janë të shenjtë pasi që kanë qenë të gatshëm të japin jetën për neve që të jetojmë të lirë ndërsa në për ta nuk bëmë asgjë”, ka thënë Lekaj.
Duke iu drejtuar Qeverisë, Lekaj ka thënë se që nga shpallja e pavarësisë nuk ka ndryshuar pothuajse asgjë.
“Qeveria e Kosovës që nga shpallja e pavarësisë keni punuar aq dobët për vendin tonë sa që sot po shihet që edhe ato vende që na kanë përkrahë gjatë luftës tani më nuk po e bëjnë një gjë të tillë. Qeveri duhet ta pranoni një herë e mirë jeni të pafuqishëm për t’i dal Zot sovranitetit të Kosovës, na u arrestuan njerëz me pasaportë diplomatike që nënkupton paprekshmëri nga ndonjë shtet tjetër”, është shprehur Lekaj.
“Dorëhiquni dhe lejoni Kosovën të bëhet me dinjitet. Të njëjtë siç e dëshiron dhe angazhohet edhe Haradinaj. Ramushin sa më shpejt duhet ta kthemi këtu të lirë në vendin e vet”, ka përfunduar Lekaj.
