“Jemi në negociata për gjetjen e pagesës për veteranët për muajin shtator, që janë 1.6 milionë euro. Ndërsa, do të punojmë që të gjejmë edhe për tre mujorin tjetër”, ka thënë Abrashi.
Ai ka thënë poashtu se ka paqartësi ligjore për pensionet e dyfishta dhe se për këtë do të punohet që të dërgohet në Kuvend.
Ndërkohë, Ministri i Financave, Avdullah Hoti, ka thënë se fondi për veteranët për momentin është zero.
“Rritja e numrit të veteranëve ka tejkaluar të gjitha parashikimet buxhetore”, ka theksuar Hoti në këtë mbledhje, transmeton lajmi.net.
Ndërkohë, kryeministri Mustafa ka thënë se për këtë temë, Qeveria është në situatë të vështirë.
“Jemi në një situatë të vështirë duke pasur parasysh edhe vërejtjet nga Fondi Monetar Ndërkombëtar. Duhet punuar që të gjejmë zgjedhje”, ka thënë Mustafa.
“Listat duhet rishikuar, sepse në fillim komisioni për verifikim na ka thënë se numri nuk do të jetë kaq i madh. Askush nuk ka të drejtë të marr pensionin e veteranit nëse nuk e meriton”, ka shtuar Mustafa.
“Nëse nuk gjendet zgjidhja për këtë çështje ne nuk mund ta aprovojmë buxhetin me FMN dhe një gjë e tillë nuk do të ndodhë pasi që nuk do të rrezikojmë shumë projekte të mbështetura nga FMN”, ka thënë kryeministri.
Kryeministri poashtu ka zbuluar se do të zhvillojë takim me përfaqësuesit e FMN-së në ora 10.
Ndërkohë, ministri i Diasporës, Valon Murati, ka kërkuar nga prokuroria që të jetë e guximshme për këtë çështje.
“Duhet gjetur zgjidhja për pagesa por duhet edhe një veprim i guximshëm nga prokuroria që të hetohen këto lista. Unë kam bindjen e plotë që këto lista janë manipuluar”, ka thënë Murati.
Përndryshe, veteranët kanë paralajmëruar protesta sot në orën 12:00.
