Nuk janë të paktë shqiptarët e Kosovës që kujtojnë mësimin në shtëpitë private gjatë kohës së Millosheviçit. Brezi i ri mund të ketë dëgjuar për atë kohë e mbase ka parë ndonjë kronikë televizive apo të lexuar ndonjë rrjesht në ndonjë gazetë apo libër. E nëse për shumë mbetet vështirësisht e besueshme sesi zhvillohej mësimi në atë kohë në Kosovën e okupuar, për shumë mund të përbëjë befasi që një nxënës i asaj “shkolle” sot është doktor i shkencave biologjike në Mbretërinë e Bashkuar.
Është e mrekullueshme të intervistosh bashkatdhetarë kaq të suksesshëm , e për më tepër të dëgjosh udhëtimin e tyre drejt suksesit . Pa dyshim që nuk ka qenë aspak e lehtë kjo rrugë , ka qenë e mbushur plot sakrifica , punë por mbi të gjitha etje për të realizuar ëndrrat. Në këtë shkrim rrugëtimi bëhet fjalë për Z.Valon Llabjani të riun nga Kosova, i cili na tregon sesi e ka përjetuar largimin nga vendlindja dhe si arriti të ngjisë shkallët e suksesit.
Udhëtimi i tij në profesion nuk ka qenë nga ato udhëtimet të mbushura me kujtime të ëmbla fëminore e aventura adoleshente. Për fatin e keq si të shumë gjeneratave të mëparshme, ai ka kaluar një pjesë të shkollimit nëpër shtëpi private të përndjekur dhe me rrezik për jetë.
Përjetuan luftën ku ju desh të lënë shtëpitë e tyre mbrapa, si të tillë të larguar për në rrugë pa destinacion, ishin shumë të lënduar dhe të pashpresë. Kujton momentet kur iu u dha mundësia të emigrojë për në Mbretërinë e Bashkuar të trishtuar dhe totalisht të pa shpresë, por kjo mundësi i bëri më të fortë e filluan të mendojnë se më në fund mund të kishte një të ardhme më të ndritshme në ishullin perëndimor ku çdo kush e ëndërronte.
Z. Valon tregon rreth vështirësive nëpër të cilat kanë kaluar para dhe pas luftës, e këto vështirësi formuan karakterin e tij edhe e bënë më të fortë e guximtar sikurse i dhanë shtysë për të kuptuar se ku dëshironte të ishte dhe çfarë dëshironte nga jeta .
Padyshim me përkrahje të vazhdueshme të prindërve dhe pune të palodhur, ka arritur të realizoj ëndrrën për të pasur titullin më të lartë shkencor si Doktor i Shkencave Biologjike. Puna e tij vazhdon me studime të mëtejshme postdoktorature dhe angazhime personale në biotech kompaninë e themeluar pikërisht për të sjellë në botën e shkencës gjëra të reja përmes produkteve të reja që do të ndihmojnë përmirësimin e metodave hulumtuese medicinale.
Pyetjes se cilët kanë qenë stacionet e udhëtimit të tij Valoni i tregon me detaje dhe plot dashuri për kujtimet e fëmijërisë në vendlindje . Shkollën fillore e ka kryer në komunën e Ferizajt në Kosovë.
Pas emigrimit në Angli ka vazhduar shkollën e mesme këtu në Lancaster dhe gjithë shkollimin e lartë duke përfshirë BSC(Hons) në Universitetin e Prestonit në degën Biochemistry, Masters by Research në Universitetin e Lancasterit dhe PHD në Universitetin e Lancasterit në Toksikologji dhe Hulumtime të Kancerit. Si rezultat i shumë punimeve të publikuara shkencore përgjatë Doktoraturës dhe Postdoktoraturës është shpallur si Hulumtues Nderi i Universiteti Lankaster për dy vite me radhë. Aktualisht Z.Llabjani disponon kompaninë e tij Revivocell të themeluar në kuadër të Universiteti Lankaster në të cilën po punon dhe me tutje në fushën e kërkimeve ,për të sjell risi të reja shkencës dhe për të ndihmuar njerëzit në nevojë.
Lajme teNjejta
Po cili mendon Valoni se ka qenë çelësi i sukseseve të tij ai shprehet pa hezitim se çelësi i suksesit ka qenë këmbëngulja dhe puna e palodhshme drejt ëndrrës së tij dhe përkrahja e pakushtëzuar e prindërve, familjes dhe bashkëshortes së tij e cila gjithashtu është kandidate për doktoraturë në fushën e Statistikës pranë Universitetit Lankaster.
Përsa i përket Atdheut, Voloni shprehet se e ndjen se të gjithë mërgimtarët rriten, lumturohen me lajmet e mira që vijnë nga vendi ynë, por të vrarë në shpirt ,si zogj pa krahë ndjehemi kur dëgjojmë informacione të hidhura nga andej. Ai thekson se e nis dhe e mbyll ditën me interesim për Kosovën dhe Shqipërinë. Në të njëjtën kohë mund të them se ndjejmë dashuri dhe përkatësi dhe me Anglinë pas këtyre viteve dhe falënderim të thellë për të gjitha mundësitë që ky vend na ka ofruar.
Ai vazhdon të shtojë se përcjellim rrjedhat e jetës shoqërore ,politike ,ekonomike, shkencore, arsimore me interesim të madh ngaqë ndiejmë që gjërat nuk po zhvillohen si duhet. Atë e vret fakti që opinioni i ynë si mërgimtarë duhet të kontribuojmë me të gjitha mënyrat për Kosovën dhe Shqipërinë për t’i dhënë vendin e merituar ,përmes organizimeve të ndryshme të intelektualëve këtu lidhur me çështje të ndryshme që prekin jetën e shqiptarëve mundohemi të jemi të bashkuar dhe të veprojmë në mënyrë më efektive e të ofrojmë ndihmë në çfarëdo rrethane.
Pyetjes sesi ju duket bashkëpunimi Brenda komunitetit tonë në Britani dhe roli i tij si aktivist, shprehet se mundohet të jetë pjesë e shumë aktiviteteve që mbahen në Londër përmes UKAP ,por e vret shumë pasiviteti i shqiptarëve në zonat e tjera të Anglisë. Është shumë entuziast i flaktë i përfshirjes së gjuhës shqipe në kurikulumin e programit mësimore këtu në Mbretërinë e Bashkuar , por si duket kjo çështje kërkon më shumë lobim dhe përkrahje financiare nga ana e ambasadave të Shqipërisë dhe Kosovës, po ashtu aktivitete më agresive të aktivistëve të të gjitha qendrave të mëdha nëpër qytetet e ndryshme këtu në Angli. Valoni vazhdon të thotë se duhet të promovojmë më shumë vlerat tona përmes panaireve të ndryshme, pjesëmarrjes më aktive në forume të ndryshme politike, biznesore dhe shkencore në Angli.
Cilat janë planet e së ardhmen së Valonit ai plot buzëqeshje shprehet se ka shumë plane në mendjen e tij , të cilat me punë dhe mbështetje nga të dashurve të tij shpreson t’i realizojë. Gjithsesi ai thekson se të gjitha planet kanë të bëjnë me profesionin , por me këmbënguljen që e karakterizon në mënyrë të vazhdueshme do të zbuloj diçka që t’i dhurojë botës alternativa më të mira për një jetë më të mirë!
Mesazhi i Valonit për shqiptarët e Britanisë është që të jemi më të bashkuar si komunitet, të punojmë që të marrim pozita më aktive në jetën shoqërore dhe institucionale në mënyre që të lobojmë më shumë për të mirat e vendit tonë, kulturën tonë të pasur.
Të gjitha këto arrihen përmes shembullit që japim në profesionet tona. Ne duhet të punojmë së bashku për të krijuar imazh sa më të mirë ,ti tregojmë botës se jemi popull që e duam punën, kemi tradita përkrahim paqen dhe jetojmë në harmoni me të gjitha kombësitë!
