Ligji i ri i komunikacionit i cili parasheh gjoba deri në 900 euro në shkelje të rregullave në trafik, duket se po ka efekt tek shoferët. Kjo sepse Policia e Kosovës gjatë ditës së djeshme ka shqiptuar 715 gjoba, dhe para dy dite 762 sosh.
Numri i gjobave ka shënuar ulje me hyrjen në fuqi të ligjit të ri të komunikacionit, pasi Policia e Kosovës më herët ka shqiptuar pothuajse çdo ditë deri në 1 mijë gjoba në trafik.
Gjatë ditë së djeshme ka pasur edhe aksidente më pak. Në 25 aksidente janë 14 persona të lënduar, ndërkaq janë arrestuar 24 persona dhe 12 janë në mbajtje.
