Dardan Sejdiu dhe Aida Dërguti kanë dalë në konferencë për media për të kritikuar RTK-në. Sipas tyre, menaxhmenti i RTK-së anuloi sot intervistën e caktuar para 1 jave, me kryetarin e Vetëvendosjes, Visar Ymeri, për shkak të kritikave të Vetëvendosje ndaj RTK-së.
“Televizioni publik po ia mohon subjektit më të madh opozitar të drejtën për të paraqitur qëndrimet e tij. Televizioni publik paguhet nga taksat e të gjithë qytetarëve të Kosovës – duke përfshirë votuesit e Lëvizjes Vetëvendosje. Kapja e tillë e televizionit publik nga pushteti kriminal, ndodhë vetëm në vendet autoritare”, tha Dardan Sejdiu.
Lëvizja Vetëvendosje kishte ftuar konferencë të jashtëzakonshme për të kumtuar këtë lajm para gazetarëve.
