Kjo familje kishte dëgjuar se mjedra, për nga aspekti ekonomik karakterizohet me kthim të shpejtë të investimit dhe është produkt që kërkohet mjaft shumë, sidomos në tregun e jashtëm.
Pritjet e kësaj familje sikur shumë fermër tjerë në Kosovë u venitën. Mjedra, kjo kulturë bujqësore më fitimprurës të cilit iu përkushtuan dhjetëra mijëra kosovarë viteve të fundit, nuk po ua shpaguan mundin.
Por rënia e çmimit i mjedrës në këtë vit i ka zhgënjyer fermerët dhe prodhuesit e mjedrës.
Siç thonë fermerët se pikat grumbulluese po luajnë me djersën e tyre.
Madje injorimi e qendrave të grumbullimit ndaj fermerëve nuk mjafton këtu. Sipas fermerëve qendrat e grumbullimit për dy ditë nuk i kanë pranuar mjedrat.
Nga afro 2 euro sa shitej me shumicë një kilogram mjedër, tani pikat grumbulluese nuk po i blejnë me çmim më të lartë se 1.20 – 1.30 euro
Mirëpo çmimi i mjedrës për kg në nëpër markete kushton mbi 3 euro.
Drejtues të kompanisë “Eurofruti” kanë thënë për lajmi.net se për momentin një kilogram të mjedrave nga fermerët e marrin me çmimin prej 1.30 euro. Drejtuesit e kësaj kompanie thanë se arsyeja e zbritjes së çmimit të mjedrës është edhe rënia e çmimit të kësaj kulture edhe në tregun e jashtëm.
“Çmimet janë zbrit, sepse edhe në Evropë çmimi i mjedrës ka ra. Në Poloni është çmimi 1 euro ndërsa ne jemi t’u e marrë me 1.30. Ka hipur prodhim. Arsyeja e dytë se pse e kemi zbrit çmimin është se jemi në mungesë në kapacitete ftohëse dhe grirëse. Nuk kemi hapësirë me ngri dhe me ruajtur produktin. Ndoshta ma vonë kish pas mundësi me ngrit çmimi, por për momentin nuk kemi hapësirë ku t’i ruajmë produktin e mjedrës”, tha Bejtush Gashi pronari i kompanisë “Eurofruti”.
Në Ministrinë e Bujqësisë, Pylltarisë dhe Zhvillimit Rural, thonë se ministri Memli Krasniqi këtyre ditëve ka zhvilluar takime me kryetarin e Shoqatës së Kultivuesve të Mjedrës, Sami Uka, duke kërkuar që pikat grumbulluese të respektojnë çmimet reale të tregut dhe para së gjithash të mundësojnë pranimin e prodhimit të mjedrës nga kultivuesit me kohë.
“Po ashtu, u diskutua që bashkërisht me Shoqatën e Kultivuesve të Mjedrës dhe pikat grumbulluese të shqyrtohen mundësitë për të mbështetur plasimin efikas të mjedrës vendore në tregun evropian, para së gjithash duke gjetur mundësi për të lehtësuar grumbullimin në kohën optimale”, thotë ministri i Bujqësisë, Memli Krasniqi.
Ministri u zotua se në vazhdimësi ministria do të përcjellë situatën, në bashkëpunim me përfaqësuesit e fermerëve dhe palët e tjera të interesit.
