Gazetari investigativ, Artan Hoxha ka folur në emisionin “Të Paekspozuarit” në lidhje me fshehjen e disa grabitjeve të zyrtarëve të lartë të shtetit.
Ai tha se një ministri shqiptar iu grabit kasaforta në shtëpi, por ai e fshehu ngjarjen, duke mos pranuar të hetohet.
“Ministrit i kanë shkuar në shtëpi dhe e kanë grabitur. Oficeri i Policisë i ka shkuar në shtëpi dhe ka komunikuar me ministrin duke i thënë se kemi informacion se ju kanë grabitur vilën. Mirëpo, ministri ka thënë se nuk e kishin grabitur. Urojmë të marrim vesh përfundimin e hetimeve”, tha Hoxha.
Ai shtoi më tej se në 6 muajt e fundit ka pasur 4 grabitje të zyrtarëve të shtetit.
“Në 6 muajt e fundit kanë ndodhur 4 grabitje. Në Tiranë, në komplekse rezidenciale dhe vila luksoze që janë prona të politikanëve me letra ata edhe mund t’i kenë mbuluar, por aty banojnë, në ato raste janë bërë nga grupe kriminale kanë grabitur shuma të mëdha valute në kesh. Rasti i fundit janë gjetur mbi 500 mijë euro. Është marrë kasaforta 500 mijë euro. Përmenda 4 raste. Një ish-ministër deri në 23 qershor, është grabitur vila e tij”, tha Hoxha.
Ndërkohë duke ironizuar me “Panama Papers”, Ylli Dylgjeri shkruan se zyrtarët tanë i mbajnë lekët nën dyshek.
“Në Panama është mbledhur cash-i! Po na fsheh lekët ky vend. E si të mos mjaftojë fshehja e lekut, po na nxjerrin edhe bojën!
Më sakte po na mbajnë taksat tona? Klientët po shmangin tatimin! Po pastrojne paratë!
8% e pasurise botërore është përtej detit! Po maskojnë origjinën. E plot të zeza që si dimë ende. Po ne sa kemi fshehur? Nuk e dimë. Ndaj duhet lëvizur. Jemi bash në kohë. Sapo kemi filluar fazën e dytë të luftës kunder informalitetit dhe falsifikatoreve. Personelin e kemi të trajnuar, me shkolle dite e nate. Askush s’mund ti gëzojë taksat tona! Akuzohet Ismail Mulleti! Po zoti Mulleti e “disiplinoi” për herë të parë këtë vend me vendosjen e kasave fiskale? Apo na disiplinoi Ne, e fshehu paratë e veta? Atëherë, Investigim! S’del pa luftë…paraja!
Ti veshim ushtar e t’i hedhim ne front tatimoret!
Ta fillojmë këtë lufte. Boll pritëm. Të tregojmë se kemi integritet e jo vetem parti integrimi! Ti nisim Noten Verbale Panamasë: Luftë! Atdheu na therret!
A kemi njerez? Keto që kemi mbetur. Ministrat jane të gjithë ketu, ne këmbë. E hane barutin me dhëmbë! Edhe Ai i financave nuk fluturon si me parë. Atdheu është i tëri ketu. Po ku është Atdheu?
Atdheu është te dysheku, te rruga, te shtepija dublex, te lagja, te pallati, te makina, te karburanti me ngjyre e pa ngjyrë, te çarte-ri, te fshati Turistik, te Resorti, etj, etj.
Meqe ra fjala, ça duhet kjo lufte ne Panama?
Per fshehje lekesh-pra! Trapllek!
Ky popull i ka mbajt leket gjithë jeten nën dyshek.
Skandali këtu quhet Dyshek papers!
Nën dyshek s’kemi hyrë akoma,” shkruan Dylgjeri.
