Çështja çame ka ngjallur debate sot në Komisionin e Jashtëm parlamentar ndërmjet Kryetarit të PDIU-së Shpëtim idrizit dhe Ministrit të Jashtëm Ditmir Bushati, që ishte thirrur për të raportuar. Ai ka kërkuar të mbrohen të drejtat e çamëve në Greqi duke filluar nga kërkesa për statusi minoriteti.
“Qëndrimi i Bushatit për sa i përket çështjes çame ka avancim, – tha Idrizi. – Por qëndrimi i Bushatit për mos e parë si çështje pronësore, por të të drejtave të njeriut është jo i drejtë. Pse nuk e artikuluat publikisht genocidin çam? A e ngritët kërkesën dhe për varrezat për shqiptarët e Çamërisë?”
Por, çështja çame për ministrin e Jashtëm Ditmir Bushati është e lidhur ngushtë me heqjen e ligjit të luftës, që nuk ka vetëm efekte politike por dhe ligjore. Gjatë raportimit në komisionin e Jashtëm parlamentar, z. Bushati tha se çështja çame u rikthye në vemendjen e qeverisë në 2013, siç njoftoi Tch.
Bushati tha se çështja çame u rikthye në vemendjen e qeverisë në 2013. “Çështja çame për herë të parë ka dal në skenë në vitin 1991, u diskutua deri në 1993, pastaj fjeti deri në 2000. U rihap në atë kohë nga kryeministri Meta, pastaj u rikthye në vëmendjen në vitin 2013 si një çështje kryesore e programit qeverisës. Bisedimet tona me Greqinë janë të ndara me tre pjesë. Së pari, Lufta e Dytë Botërore. Heqja e ligjit të luftës që ka jo vetëm efekte politike por edhe ligjore, pasi mban të bllokuar pronat e shqiptarëve të Çamërisë. Tek kjo ndarje kemi listuar çështjen çame”, tha ministri Bushati.
Ai tha më tej se lidhur me varrezat greke nuk ka një protokoll pune, dhe se Shqipëria është e angazhuar në zbatimin e marrëveshjes me Greqinë. Vëmendje e veçantë i është kushtuar dhe minoritetit grek në Shqipëri.
“Kemi dhe çështjen e minoritetit grek në Shqipëri. Greqia kërkon që të ketë një vëmendje më të posaçme ndaj minoritetit grek. Kemi shprehur angazhimin tonë që jemi të gatshëm të shohim çdo model që mund të jetë më i mirë, por themi që ne jemi një model më i dalluar se vendet fqinje në këtë drejtim, lidhur me respektimin e të drejtave të minoritetit”, tha Bushati.
