Gazeta serbe “Blic”, në ballinën e numrit të sotëm ka publikuar një ilustrim për frikën serbe të Shqipërisë së Madhe. Gazeta e ka cilësuar si sulm terrorist përgjigjen e grupit të shqiptarëve në Kumanovë edhe pse në asnjë komunikim zyrtar nga institucionet shtetërore të Maqedonisë kjo gjë nuk është thënë. Se koncepti Shqipëri e Madhe endet si gogol gjithandej mendjeve serbe, ata e kanë vërtetuar sa e sa herë. Por, kjo gjithherë vihet në qendër të vëmendjes sa herë ka zhvillime që lidhin shqiptarët. Edhe telegraf.rs, b92, e media tjera serbe kanë e transmetuar për ngjarjet e Kumanovës, duke i cilësuar si terroriste dhe të frikshme.
