Në kuadër të rritjes së bashkëpunimit mes vendeve dhe ndërmarrjes së reformave të përbashkëta në procesin e integrimit, pritet që Ministri i Brendshëm i Italisë, Angelino Alfano, do vizitojë Tiranën. Ministri italian Alfano do të pritet nga homologu i tij shqiptar, Saimir Tahiri. Thuhet se Tahiri dhe Alfano do të diskutojnë së bashku për bashkëpunimin mes dy vendeve. Në fokus do të jenë bisedimet për krimin e organizuar dhe për sekuestrimin e pasurive kriminale. Pas takimit mes tyre, dy ministrat do të mbajnë një konferencë të përbashkët për shtyp.
