Kryeministri Edi Rama, shprehet se me politikën e tij dëshiron që ta afrojë Shqipërinë drejt standardeve europiane. I pranishëm në samitin e Stokholmit në Suedi, “Creative Time”, kreu i qeverisë tha se ka kaluar një kohë të gjatë në Paris ku është marrë me pikturë, por shtoi se kur arriti që ti futet politiës u angazhua në kohën më të madhe, duke ndërthurur gjithmonë artin dhe politikën. Rama u ndal edhe në vizitën e bërë në Serbi, duke thënë se është i pari kryeministër shqiptar që viziton Beogradin, duke shtuar se kjo vizitë vjen pasi me vizionin e tij dëshiron që të ketë një të ardhme më të mirë për vendin, përmes politikës që mund të sjellë ndryshim, paqe mes njerëzve dhe që shmang konfliketet. Ai tregoi se gjatë punës së tij i ka kushtuar vëmendje të madhe shërbimit publik dhe gjithonë e ka cilësuar luftën kundër korruposionit si prioritet. “Ka qenë nje periudhë kur sistemi funksiononte për korrupsionin dhe jo për njerëzit, ndaj unë kam dashur të luftojë që të sjell ndryshimin në vendin tim. Në vendin tim ka pasur shumë kioska dhe ndërtime pa leje, por unë gjithmonë kam dëshiruar që të ndërtoj një Shqipëri tjetër. Ajo që kam dashur është që të sjell përputhje me standardet europiane. Kështu mund të sjell një shembull se si emigrantët shqiptarë në Gjermani nuk mund të udhëtojnë në rripin e sigurimit, ndërsa në vendin tonë ndodh e kundërta. Përmirësimi i situatave të tilla më ka orientuar në punën time”, u shpreh Rama. Ai tha më tej se politika mund të jetë një forcë që të çon drejt pozitivitetit, duke nënvizuar se është pikërisht politika që duhet të sjellë ndryshimin. Kryeministri u shpreh më tej se pavarësisht pasionit të tij për pikturën, si lider i Shqipërisë ka një vizion të qartë për vendin në mënyrë që të ketë prosperitet dhe të ardhme më të mirë, të ketë hapësira publike dhe vizionin e tij dëshiron që ta kthejë në realitet.
