Papa Françesku ka mbajtur fjalën e tij në Presidencë, ku në qendër të fjalimit të tij ka qenë tolerance fetare në Shqipëri.
Sipas Atit të Shenjtë, bashkëjetesa fetare në Shqipëri meriton një vend të veçantë dhe duhet të jetë një shembull që duhet të ndiqet në të gjithë Europën.
Papa e nisi fjalën e tij, me falenderimin për ftesën që kryeministri Rama i bëri për të vizituar këtë vend që quhet toka e Shqiponjave, siç u shpreh Ati i Shenjtë.
“Të falenderoj për ftesën që më bëre për të vizituar këtë vend që quhet toka e Shqiponjave. Faleminderit edhe për mikëpiritjen. Harmonia fetare është një një pasuri që duhet ta ruani. Besimi reciprok mes katolikëve dhe myslimanëve është një vlerë e çmuar për vendin dhe meriton një vëmendje të veçantë në këto kohra kur grupe ekstremiste po dhunojnë vlerën e bashkësjetesës fetare.
Bashkëpunim mes vendeve të rajonit dhe vendeve të mesdheut dhe të Europës.
Respekti është një fjalë thelbësore mes jush, respekti për diversitetin kulturor, për zhvillimin ekonomik dhe social të një vendi është i rëndësishëm.
Të drejtat duhet të pranohen dhe të garantohen nga të gjithë dhe që këto iniciativa të shfrytëzohen për të mirën e të gjithëve.
Ka një pasuri ndërshqiptarëve që duhet ta ruani, respektimi i katolikëve dhe myslimanëve është një e mirë për vendin dhe meriton një vend të veçantë në këtë kohë duke nxjerrë në pah diferencat e besimeve të ndryshme.
Askush nuk duhet të mendojë se mund të shfrytëzojë zotin për të përdorur dhunën.
Ajo që ndodh në Shqipëri , bashkëjetesa paqësore mes komuniteteve të ndryshme fetare, nuk është vetëm e lavdërueshme, por ështe e mundur dhe ju po e praktikoni. Në fakt është një e mirë e vlerësueshme për paqen, është një vlerë që duhet të kujdesemi cdo ditë për të, për të shmangur barrierat e ndryshme dhe për vlerësimin e njërit ndaj tjetrit. Është një thirrje që duhet bërë, që Shqipëria të vazhdojë kështu dhe të kthehet një shembull që duhet ndjekur.
Zoti President pas persekutimeve erdhi pranvera e lirisë, përmes zgjedhjeve të lira është konsoliduar demokracia.
Kisha Katolike mundi që të kthenete ekzistencën e saj duke vendosur hierarkinë e saj, për të vazhduar një traditë të gjatë. U rindërtuan objektet e kultit.
Prania e Kishës dhe veprimet e saj, mirëpriten jo vetëm si shërbim për komunitetin katolik, por për të gjithë kombin. E Bekuara Nënë Tereza dhe martirëve i takon mirënjohja e thellë.
Po tani kemi sfidat e reja që duhen adresuar, në një botë që po shkon drejt globalizimit, duhet bërë cdo përpjekje që rritja dhe zhvillimi ti prekë të gjithë qytetarët. Duhen pasur parasysh të drejtat e të varfërve, globalizimi i tregjeve duhet të shkojë paralelisht me globalizimin e vendit.”
