Këshilltari i kryeministri Rama, flet për situatën në Maqedoni, rolin e partive politike dhe deklaratat e diplomacisë shqiptare
Nuk është koha që në Maqedoni të kemi një luftë të re, nuk është koha për një konflikt ndëretnik të shkallës së lartë”, thotë këshilltari kryeministri Rama për rajonin, Shkëlzen Maliqi. Në një intervistë për GSH, Maliqi thekson se kryemnistri i maqedonisë duhet të bëjë më shumë përpjekje që problemet në Shkup të zgjidhen me dialog, në se ai do një Maedoni të qetë. Zbatimi I marrëveshjes së Ohrit është zgjidhja për stabilitetin në Maqedoni, theksn Maliqi.
“Atmosfera që është krijuar në Maqedoni, në esencë ka lidhje me Marrëveshjen e Ohrit, pasi ajo nuk është nënshkruar sot, por ka disa vite, madje ka shumë vite, kanë kaluar 13 të tillë. Prej asaj marrëveshje ka shumë sende që ende po negociohen, ka interpretime të ndryshme. Edhe në intervistën që e kishte dhënë dje(pardje) kryeministri maqedonas Nikolla Gruevski, ka thënë që marrëveshja është në realizim e sipër. Kanë kaluar 13 vite dhe ajo ende nuk po realizohet. Ka në të, pjesë shumë të rëndësishme që neglizhohen, por nëse e duan një Maqedoni stabile, ose nëse Gruevski e do një Maqedoni stabile, atëherë duhet të bëjnë më shumë përpjekje që problemet të zgjidhen aty me dialog politik, me gjithë pikat që nuk janë realizuar dhe që janë shumë të rëndësishme e në fund të fundit do e kishin krijuar një situatë të mire”, tha Maliqi.
Këshilltari I kryeministrit Rama thotë gjithashtu se kryeministri maqedonas, Nikolla Gruevski duhet të tregojë faktet kyçe që gjykata e Shkupit përdori për dënimin e gjashtë shqiptarëve për rastin “Monstra”, vëren se për këtë proces ka një lloj mistifikimi. “Mendohet se ka elementë terrorizmi dhe nuk ka pasur transparencë të mjaftueshme në kuptimin që pala maqedonase të tregojë disa prova, nëse vërtetë ka qenë një grup terrorist që ka bërë një krim makabër? Këto, kanë sjellë një lloj atmosfere jo të mirë. Nga ana tjetër, edhe avokatët që mbrojnë shqiptarët, thonë se nuk ka prova që shqiptarët të jenë të pafajshëm. E kjo, është arsyeja pse shqiptarët po dalin në protesta. Mandej, është fakti që protestat nuk kanë organizatorë të shpallur, është disi spontane e dallohen qartë disa drejtime dhe disa njerëz që fshihen disi pas anonimitetit dhe e shfrytëzojnë këtë pakënaqësi të një pjese të popullsisë, për organizimin e protestave, që përgjithësisht dolën të jenë të dhunshme. Tani, nuk e di, kush është shkaktari i dhunës, a ka qenë policia që e ka përdorur forcën apo ka qenë faji i provokatorëve? Është diçka jo e zakonshme që protesta nuk ka organizatorë, e nuk është dikush që mban përgjegjësi, vetëm ka përkrahës. Nga pala shqiptare janë këto organizatat, individët a grupimet ekstremiste që jo vetëm në këtë rast kërkojnë që çështja e Maqedonisë, e shqiptarëve atje të zgjidhet me ashpërsimin e situates”, thotë këshilltari I kryeministrit.
Lidhur me rezervat për qëndrimine butë të diplomacisë shqiptare Maliqi shprehet se në rast se Shqipëria do të ishte më agresive në këto qëndrime atëherë nuk do të ishte vetëm Greqia pengesë për integrimin e Maqedonisë. Ai thekson se partitë politike shqiptare duhet ta monitorojnë protestën. “Kjo vlen sidomos për BDI-në se ka qenë dhe është në pushtet, por edhe PDSH-ja ka përgjegjësinë e vet. Nuk është koha që në Maqedoni të kemi një luftë të re, nuk është koha për një konflikt ndëretnik të shkallës së lartë”, tha Maliqi.
Marëveshja e Ohrit dhe deklarta e Ramës
Këshilltari i kryeministri kundërshton deklarata e VRMNO-DPMNE dhe kryeminstrit Gruevski se situate aktuale në Mqedoni nuk ka lidhje me marrëveshjen eOghrit. Maliqi shprehet se atmosfera që është krijuar në Maqedoni, në esencë ka lidhje me këtë marrëvshje. “Prej asaj marrëveshje ka shumë sende që ende po negociohen, ka interpretime të ndryshme. Edhe në intervistën që e kishte dhënë dy dtëë parë kryeministri maqedonas Nikolla Gruevski, ka thënë që marrëveshja është në realizim e sipër. Kanë kaluar 13 vite dhe ajo ende nuk po realizohet. Ka në të, pjesë shumë të rëndësishme që neglizhohen, por nëse e duan një Maqedoni stabile, ose nëse Gruevski e do një Maqedoni stabile, atëherë duhet të bëjnë më shumë përpjekje që problemet të zgjidhen aty me dialog politik, me gjithë pikat që nuk janë realizuar dhe që janë shumë të rëndësishme e në fund të fundit do e kishin krijuar një situatë të mirë. Ka njerëz maqedonas në Maqedoni që mendojnë se Maqedonia iu takon atyre, dhe se shqiptarët janë njerëz të kategorisë së dytë. Duhet bërë një përpjekje më e madhe e vetë pushtetit që të ndryshojë kjo situatë. Përpjekje duhet të bëjnë edhe partitë që janë në pushtet, por në përgjithësi i gjithë spektri politik duhet të punojë që të realizohet marrëveshja e Ohrit sepse kjo është në të mirën e vetë shtetit të Maqedonisë, në mënyrë që të realizojë ambiciet e veta, dhe të anëtarësohet në NATO”, tho Maliqi.
