Anita Haradinaj ka folur sërish mbi lajmin që u përhap në media, ku shkruhej se ajo është dhunuar nga bashkëshorti i saj Ramush Haradinaj. Megjithëse lajmi bëri jehonë në media, Anita me modesti thotë se jeta publike i ka këto.
“Të jesh figurë publike do bëhesh pjesë e faqes së parë të gazetës apo portaleve, pjesë e thashethemeve. Jeta publike këto i ka. Unë jam munduar të jem e diskutueshme për mirë”, shprehet Anita në Abc News.
Të gjitha lajmet që kanë qarkulluar, Anita i cilësoi si një thashethem shumë të ulët, ndërsa iu përgjigjet duke thënë se Ramushi ka 17 vite që e “rreh me dashuri”.
“Mua Ramushi ka 17 vjet që më rreh me dashuri. Nuk e di çfarë të them tjetër. Ky ka qenë një thashethem shumë i ulët. Unë kam bërë një reagim në Facebook. Nuk e komentoi dhe as nuk dua ta komentoj sepse e ul nivelin tim dhe unë nuk dua të bie në nivel të asaj çfarë jam.
Pavarësisht se e mbajnë veten për gazetarë nëpër media me histori kanë dëshmuar se për dy klikime më shumë kanë shitur gjithçka, edhe integritetin e vet. Kështu që unë nuk dua të bie në atë nivel dhe nuk do e komentoj më shumë se kaq. Veçse kaq, unë kam një burrë shumë të mirë dhe është shumë burrë shtetas dhe një baba i dashur ”, deklaroi ajo.
