Frika dhe paniku i krijuar si pasojë e Covid-19 dhe masave drastike të ndërmarra për të parandaluar përhapjen e virusit, sidomos në fillim të shpërthimit të epidemisë në vendin tonë, kanë bërë që Shqipëria gjatë Marsit të regjistrojë shifrën më të lartë të regjistruar ndonjëherë në muajin mars të importit të drithit.
Shifrat zyrtare të Instat flasin për rreth 1.5 miliardë lekë importe gjatë muajit mars, në rritje me 147% krahasuar me muajin paraardhës dhe në rritje me 69% krahasuar me muajin mars të vitit 2019. Në peshë, gjatë marsit u imprtuan rreth 43 mijë tonë, ndërsa një vit më parë shifra fiksohej në 21 mijë ton.
