Ka shkuar në 59 numri i personave të prekur nga COVID-19. Lajmi është bërë i ditur nga ministria e Shëndetësisë. Ndërkohë 30 pacientë ndodhen të shtruar në Infektiv.
Ndërkohë, mëngjesin e sotëm, Ministria e Shëndetësisë ka bërë të ditur se ka ndërruar jetë personi i dytë i infektuar me koronavirus, një 66-vjeçar nga qyteti i Lushnjes.
NJOFTIMI
Ju informojmë për situatën e fundit të COVID-19 në Shqipëri. Mëngjesin e sotëm ka ndërruar jetë një pacient i moshës 66-vjecare në spitalin Infektiv, që vuante nga disa sëmundje shoqëruese: insuficenca kardiake, edemë pulmonarë dhe insuficencë renale. Prej disa ditësh pacienti ishte i intubuar (me respiracion të drejtuar) në gjendje të rëndë shëndetësore.
