Pas ngritjes së Prokurorisë së Posaçme, pjesë e Strukturës së Posaçme Antikurrupsion pritet shkrirja e dy shkallëve të Prokurorisë për Krimet e Rënda.
Këshilli i Lartë i Prokurorisë do të mblidhet këtë të enjte për të vendosur për këtë çështje.
KLP sqaron se sot ndërpritet caktimi i përkohshëm i prokurores Donika Prela si Drejtuese e Prokurorisë së Krimeve të Rënda dhe vendoset kthimi i saj në Prokurorinë pranë Gjykatës së Shkallës së Parë Durrës.
Gjithashtu, janë edhe 12 prokurorë të këtyre dy Prokurorive, për të cilët do të vendoset nesër transferimi, ku mes tyre janë edhe Besim Hajdarmataj apo Elisabeta Imeraj. Po ashtu, në mbledhjen e KLP, që pritet të nisë në orën 12:00, do të bëhet dhe “Miratimi i projekt-aktit pёr caktimin e përkohshëm tё prokurores Arta Marku.
Rendi i ditës
Transferimi i prokurorëve që aktualisht janë të emëruar në Prokurorinë e Shkallës së Parë për Krime të Rënda dhe Prokurorinë e Apelit për Krime të Rënda, si rezultat i mbylljes së këtyre prokurorive, në prokurori të tjera të juridiksionit të përgjithshëm,konkretisht;
Arens Çela,
Blerim Tominaj,
Besim Hajdarmataj,
Artan Bajrami,
Eugen Beçi,
Doloreza Musabelliu
Elisabeta Imeraj
Manjola Kajana
Përparim Kulluri
Vladimir Mara
Sonila Muhametaj
Pranvera Pustina
Ndërprerjet e caktimeve të përkohshme për prokurorë që janë të emëruar në Prokurorinë
e Krimeve të Rënda dhe ushtrojnë detyrën pranë një prokurorie tjetë, konkretisht;
Ndërprerjen e caktimit të përkohshëm të prokurorit Isa Jata si prokuror në Prokurorinë e Apelit për Krimet e Rënda dhe kthimin e tij si prokuror në Prokurorinë pranë Gjykatës së Shkallës së Parë Tiranë.
Ndërprerjen e caktimit të përkohshëm të prokurores Donika Prela si Drejtuese e Prokurorisë pranë Gjykatës së Shkallës së Parë për Krimet e Rënda dhe kthimin e saj në Prokurorinë pranë Gjykatës së Shkallës së Parë Durrës.
Ndërprerjen e caktimit të përkohshëm të prokurorit Anton Martini si prokuror në Prokurorinë pranë Gjykatës së Shkallës së Parë Për Krimet e Rënda dhe kthimin e tij në Prokurorinë pranë Gjykatës së Shkallës së Parë Shkodër.
Ndërprerjen e caktimit të përkohshëm të prokurorit Dritan Prençi si prokuror në Prokurorinë pranë Gjykatës së Shkallës së Parë për Krimet e Rënda dhe kthimin e tij në Prokurorinë pranë Gjykatës së Shkallës së Parë Kukës.
Ndërprerjen e caktimit të përkohshëm të prokurores Enkeleda Millonai si Drejtues i Prokurorisë pranë Gjykatës së Shkallës së Parë Elbasan për shkak të emërimit të saj si prokurore në Prokurorinë e Posaçme.
Miratimi i projekt-aktit pёr caktimin e përkohshëm tё prokurorit Z. Anton Martini .
Miratimi i projekt-aktit pёr caktimin e përkohshëm tё prokurores Znj. Donika Prela.
Miratimi i projekt-aktit pёr caktimin e përkohshëm tё prokurorit Z. Dritan Prençi.
Miratimi i projekt-aktit pёr caktimin e përkohshëm tё prokurores Znj. Arta Marku.
Miratimi i projekt-aktit të vlerësimit, në kuadër të rivlerësimit kalimtar për prokurorin Pelivan Malaj.
Ndërprerjen e caktimit të përkohshëm të prokurores Alketa Zifla si Drejtoreshë Kabineti në Prokurorinë e Përgjithshme dhe kthimin e saj si prokurore në Prokurorinë pranë Gjykatës së Shkallës së Parë Tiranë.
Miratimin e veprimtarisë jashtë funksionit (mësimdhënie) pranë fakultetit të Drejtësisë, Universitetit i Tiranës, për magjistratin prokuror z.Kreshnik Ajazi.
Për miratimin e veprimtarisë jashtë funksionit, konkretisht si eksperte, pranë Qendrës së Trajnimit të Administratës Tatimore dhe Doganore, për magjistraten, prokurore znj. Enkeleda Millonai për periudhën deri më 30.12.2019.
Miratimin e veprimtarisë jashtë funksionit për prokuroren znj. Ermira Tafani, si eksperte pranë Qendrës për Iniciativa Ligjore Tiranë, për periudhën deri në fund të muajit shkurt 2020 në masën jo më shumë se 2 (dy) orë në javë gjatë dhe jashtë orarit të punës si dhe pranë Universitetit Aleksandër Xhuvani Elbasan, për periudhën mars-qershor 2020.
Miratimin e veprimtarisë jashtë funksionit (mësimdhënie) pranë Kolegjit Universitar “Bedër” Tiranë, në lëndën “Procedurë Penale e avancuar me praktikë gjyqësore”, për prokurorin z.Adnan Xholi, në masën jo më shumë se 2(dy) orë në javë, jashtë orarit të punës, për vitin akademik 2019-2020.
