Këto komente të mbrëmshme nga demokratët dhe republikanët në Komitetin e Inteligjencës së Dhomës Përfaqësuese, u bënë derisa është rritur presioni ndaj drejtorit të agjencisë FBI, James Comey, që të paraqes prova, me të cilat do të mbështeteshin ose do të refuzoheshin pretendimet e zotit Trump.
“Ne nuk kemi asnjë dëshmi se kjo ka dodhur”, u tha gazetarëve kryesuesi i komitetit, Devin Nunes,republikan nga Kalifornia, dhe ka shtuar se “nuk mendoj se ka pasur përgjim në Trump Tower”.
Kolegu i tij demokrat, Adam Schiff, po ashtu nga Kalifornia, tha se “është thellësisht shqetësuese se presidenti do të bënte akuza të këtilla pa bazë”.
Pritet që zoti Comey dhe shefi i Agjencisë Kombëtare të Sigurisë për këtë çështje, do të dëshmojnë në një dëgjim në Dhomën Përfaqësuese më 20 mars.
