Incidenti ndodhi afër një tempulli në vendin Mihterlam, ka thënë Sarhadi Zwak, zëdhënësi i guvernatorit të provincës Laghman.
Askush nuk e ka marrë përgjegjësinë e menjëhershme për këtë eksplodim, por militantët talibanë në mënyrë rutinore i përdorin shpërthimet e këtilla për t’i sulmuar forcat e sigurisë së Afganistanit dhe zyrtarët qeveritarë, me ç’rast civilët shpeshherë pësojnë.
Misioni i Kombeve të Bashkuara në Afganistan i ka dokumentuar 8,397 viktima të civilëve të ndërlidhura me konfliktin në këtë vend, prej 1 janarit e deri më 30 shtator të këtij viti.
Në këtë shifër përfshihen 2,562 vdekje, që është një rënie e ulët në krahasim me periudhën e njejtë të vitit të kaluar.
Misioni i Kombeve të Bashkuara tha se sulmet e militantëve ishin përgjegjëse për më se 60% të viktimave civile në konfliktin në Afganistan.
