Ndërkohë që rruga “UÇK” ku ka ndodhur vrasja gjendet ndodhet në lagjen “Bair”, dhe në këtë rrugë ndodhen tri shkolla të mesme të qytetit, ajo Ekonomike, Gjimnazi dhe Shkolla e Mjekësisë.
Incidenti ka ndodhur në hapësirën në afërsi të këtyre objekteve shkollore, gjatë kohës së pushimit të gjatë.
………………………..
Një nxënës është vrarë në gjimnazin “Frank Bardhi” në Mitrovicë
(I plotësuar) – Sipas burimeve të Gazetës Metro brenda Policisë së Kosovës, i dyshuari për vrasjen e një nxënësi në Mitrovicë, është B.V, 17 vjeçar.
Mësohet se nëna e të dyshuarit është asambleiste e PDK-së në Mitrovicë. Vrasja ka ndodhur sot rreth orës 10:00, meqë rast një nxënës me mbiemrin Sadiku, banor i lagjes Bair, u qëllua katër herë me armë zjarri.
***
(I plotësuar) – Policia e Kosovës ka konfirmuar vrasjen e një të riu në Mitrovicë, por ende nuk dihen detaje të tjera dhe shkaqet që çuan në këtë vrasje.
***
(I plotësuar) – Një dëshmitar i vrasjes në Mitrovicë i cili thotë se ka ndodhur para rreth 15 minutash, ka dërguar fotografi në adresë të lajmi.net
Ai thotë se janë dëgjuar të shtëna me kallashnikov.
Në këtë fotografi shihet edhe trupi i viktimës.
***
Siç mëson KosovaPress-i nga dëshmitarët, ai është qëlluar 4 herë me armë zjarri.
Redaksia ka provuar që të marrë një konfirmim nga Policia e Kosovës, por deri tani një gjë e tillë ka qenë e pamundur.
Ngjarja ka ndodhur sot rreth orës 10:00 të mëngjesit.
