Biseda ka treguar për “dëshirën e dyanshme për përpjekje të përbashkëta në luftimin e terrorizmit”, tha Ushakov, dhe ka shtuar se kjo krijon “baza të mira për punën e ardhshme për problemin e Sirisë”.
Por, ai e ka akuzuar presidentin amerikan, Barack Obama, se “po bën çdo gjë të mundshme për t’i çuar lidhjet bilaterale në rrugë pa krye”.
Sipas zotit Ushakov, kjo e vështirëson punën e administratës së presidentit të zgjedhur, Donald Trump, për ripërtritjen e lidhjeve produktive “nëse ai dëshiron ta bëjë një gjë të tillë”.
Obama i ka imponuar disa valë të sanksioneve kundër Rusisë pr shkak të rolit të saj në konfliktin e Ukrainës, ndërsa këto masa ndëshkuese e kanë zemëruar Moskën.
Zyrtarët rusë, njëherësh, në mënyrë të zëshme e kanë shprehur mbështetjen për Trumpin, megjithqë Kremlini zyrtarisht ka thënë se nuk është i pozicionuar ndaj kandidatëve që do ta zëvendësojnë Obamën.
