Që të dy viktimat, ditë më parë, kishin marrë plagë të rënda në dy aksidente të ndara, por nuk arritën të mbijetojnë.
Një nga viktimat ishte aksidentuar më 30 tetor, në fshatin Llapnasellë të Graçanicës, ku një veturë e dyshimtë e kishte goditur dhe kishte ikur nga vendi i ngjarjes.
“Viktima e këtij rasti ishte shtruar për tretman në QKUK, por nuk ka arritur t’u mbijetojë plagëve të marra”, thuhet në raportin e Policisë së Kosovës.
Viktima tjetër, që fatkeqësisht nuk ka arritur t’u mbijetojë plagëve të marra, ishte një femër e aksidentuar në fshatin Polluzhë të Skenderajt më 3 nëntor.
Me vendim të prokurorit, trupat e pajetë të të dy viktimave janë dërguar në Institutin e Mjekësisë Ligjore për obduksion.
