Sahitaj është iniciuesi i dy kandidatëve për Nobel këtë vit nga Kosova, Adem Demaçi për Paqe dhe Rexhep Qosja për Letërsi. Për të parin, Sahitaj ka shumë besim se është njëri nga favoritët kryesor, ndërkaq për të dytin po shpreson që Akademia e Nobelit të marr një vendim befasues për ndonjë emër që nuk e njeh bota, siç është Qosja.
“Aktualisht ne mesin e favoritëve për të fituar Nobelin 2016 për Paqe është qeveria e Bogotës dhe Forcat e armatosura revolucionare (FARK) të cilët nënshkruan marrëveshjen për paqe, ku gjermë tani si pasojë e konfliktit ne mes këtyre humben jetën qindra mijëra njerëz te pafajshëm. Arritja e një marrëveshje në mes FARK-ut dhe Qeverisë se Kolumbisë rrezikon Adem Demaçin që të jetë laureat e çmimit më prestigjioz në botë”, deklaron Sahitaj në një njoftim për media.
Një faktor që e bën Demaçin favorit, sipas Sahitajt është edhe çmimi Sakharov që mund ta çoj Demaçin drejt Nobelit.
