Ai në një status të facebook ka uruar që në këtë sesion të ketë unitet dhe të merren më shumë me debate për ekonomi dhe ligjet që nxisin zhvillimin ekonomik, pasi sipas tij, këtë presin qytetarët nga deputetët.
Postimi i plotë i Veselit:
Sot filluam sesionin vjeshtor parlamentar. Qytetarët presin nga deputetët që t’i përfaqësojnë përmes debatit e jo përmes dhunës dhe bllokimeve. Është koha që edhe dallimet politike të shpërfaqen përmes debatit në komisione parlamentare dhe në seanca plenare.
Bashkëpunimi dhe konsensusi nuk kanë alternativë – asnjëherë. Në këtë sesion të ri parlamentar, uroj të kemi unitet dhe të merremi më shumë me debatin ekonomik dhe ligjet që nxisin zhvillimin ekonomik. Këtë e presin qytetarët nga ne. K.V.
