Ndërtimi i sheshit në Klinë, është duke u bërë pa u rregulluar rrugët alternative. Rrugët ekzistuese, dytësore, nuk kanë mundësi të ofrimit të mirë të një qarkullimi të automjeteve si pasojë e dëmtimit dhe hapësirës së ngushtë për qarkullim. Kësisoj, qytetarët po mbesin të bllokuar në komunikacion dhe kolonat e veturave që hynë nga “Ura e Klinës” po bëhen me kilometra të tëra.
Nga opozita dhe shoqëria civile ka pasur kritika se Komuna e Klinës nuk e ka diskutuar në asnjë moment me qytetarët projektin për ndërtimin e sheshit dhe as që ka paraqitur ndonjë pamje të tij, duke shkelur kështu nenin 68, pika 68.3, të Ligjit për Vetëqeverisjen Lokale, i cili obligon Komunat të informojnë qytetarët për çfarëdo planesh apo programesh të rëndësishme në interes publik. Gjithashtu.
