Shumë teori konspirative bëjnë të dyshohet se ai mund të jetë ende gjallë diku, dhe se vdekja e tij mund të ketë qenë vetëm një sajesë.
Dyshimet e tepërta i rrisin disa fotografi të realizuara në një nga koncertet e këngëtares Ceca, të mbajtur në “Top Hill” në Budvë të Malit të Zi, me datë 14 gusht të këtij viti, të cilat shfaqin një person i cili në dukje ngjason tmerrësisht me kriminelin e njohur.
Në fotografitë e siguruara nga Telegrafi shihet qartë se një nga personat e pranishëm ngjason aq shumë me të, sa që cilësohet si sozia e Arkanit.
Pak metra larg atij burrit e pranishme ka qenë edhe vajza e këngëtares Ceca, Anastasija Razhnjatovic, gjë që ngrit edhe më tepër dyshimet se Arkani mund të jetë ende gjallë larg syrit të mediave, por gjithnjë afër familjarëve në mënyrë diskrete.
I çuditshëm vazhdon të jetë fakti edhe se Ceca për 16 vite pas ‘vdekjes’ së ish-bashkëshortit nuk është parë asnjëherë në shoqërinë e ndonjë mashkulli tjetër, apo të ketë qenë në ndonjë lidhje dashurie.
