Bashkim Metalia
Në Krumë të Hasit Autori Servet Bytyci mblodhi në një takim promovues për librin e tij të parë përfaqësues nga pushteti lokal si dhe poetë dhe artistë miq dhe dashamirës të poezisë.
Shqiptarët e diasporës në tërësinë e tyre janë një parametër i qartë , dhe tregues shembullor, sesa janë të inkuadruar, njëkohësisht, të integruar me jetën dhe veprimtaritë social-kulturore aty ku jetojnë dhe punojnë.
Sukseset dhe arritjet e tyre, falë kushteve dhe përkushtimit, dalin në pah si një lajtmotiv i “rezistencës” ndaj tëhuajsimit.
Shqiptarët e Britanisë janë shembulli më i mirë sesi e kanë certifikuar veten me pozitat integruese.
Padyshim janë vlera që i shtohen imazhit të atdheut dhe kulturës shqiptare.
Shtëpia botuese Gjon Nikolle Kazazi në Gjakove botoi vellimin poetik “Lulebozhuri i Dukagjinit”, të autorit Servet Bytyci , redaktuar nga Migena Arllati, Profesoreshë e Universitetit Fehmi Agani të Gjakovës, njëkohësisht poete dhe veprimtare e shquar.
Zoti Bytyci eshte pjesë e komunitetit tonë shqiptar në Londër për një kohë të gjatë dhe gëzon një respekt dhe emër të mirë në të gjithë komunitetin tonë.
Në vështrimin kritiko-letrar ky vëllim është i veçantë ,për tematikën e gjerë që trajton..
Spikatet dashuria për atdheun, njerëzit dhe natyrën, këngët e mallit dhe kurbetin, tematika historike dhe këngët e dedikuara figurave të artit e të Kulturës shqiptare. Lulebozhuri (lulëkuqja), simbolizon qëndresën dhe martiret.
Nga vetë titulli i librit ,autori e vendos të gjithë përqendrimin e tij në Dukagjin ,një nga trevat me heroike dhe më të spikatura të gjithë Shqiptarizmit.
Ndërsa Edit Durhami e quan Shqipërinë “Brenga e Ballkanit ” Zoti Bytyci bën një paralelizëm shumë të gjetur dhe estetik duke e quajtur Dukagjinin ,”Malli dhe brenga e kombit në breza “, për vet faktin se Dukagjini qëndroi i ndarë e i plagosur nga vete historia e imponuar kësaj treve.
Si pike kulmore të Dukagjinit ,autori merr Pashtrikun (si Hasjan që është) ,por gjithashtu i referohet edhe Gjeravices ,Malësisë se Gjakovës ,Lumës, Pejës ,Prizrenit ,por edhe trevave tjera ,si Drenicës Çamërisë ,Vlorës ,Elbasanit etj.
Një romantik i vërtetë e quan Profesoreshë Arllati, Servet Bytycin ,dhe me të vërtetë ai gjen frymëzim në një pikë shiu që bie në një flete pemësh apo në dritën e hënës që largohet në heshtje.
Jo rastësisht në këtë vëllim poetik ,ajo vlerëson edhe shkallen e lartë të kulturës e dijes të ndërthurur edhe me një nuance te forte filozofike qe përshkuan tej përtej librin.
“Dhe kur heshtja të shëroje ,përpara se të vije tjetër agim
Hëna prape do të kundroje e të bekoje ,miku im .
Po kështu në ” Udhëtimet e mija ” kjo kulturë e dije pasqyrohet në një shkalle shumë të admirueshme.
Ne këtë vëllim lexuesi i thjesht e gjen dhe pozicionon vetveten shume natyrshëm dhe lehtë mund të themi se mbështillet nga një frymë e ngrohtë dashurie e vlerë të natyrshme njerëzorë.
“Për lexuesin tonë në Londër është kënaqësi që në libër të gjeje edhe poezi të shkruara në Anglisht.
Këto poezi patjetër qe krijojnë Ura lidhëse dhe bashkëpunimi mes popujve .
Atij Shqiptar dhe Anglez dhe ne e ndjejmë veten të privilegjuar të jemi pjesa e përbashkët e të dy popujve” -shprehet autori
Me datë 5 Gusht ne pallatin e kulturës Pjetër Bogdani ne Krumë në praninë e shumë ,personaliteteve të artit e kulturës, përfaqësues të prefekturës e bashkisë Krumë, si dhe dashamireve te poetit u organizua nga Bashkia Krumë, ceremonia e promovimit te librit.
Të pranishëm ishinë përfaqësues nga Gjakova, Peja, Prishtina, Malësia e Gjakovës me poetet dhe artistet e saj, Tirana dhe Kukës.
Ceremonia ishte me tepër se një promovim dhe u prit me një ndjenjë të lartë dashurie dhe respekti ,duke mbizotëruar mirësia ,dhe mikpritja Hasjane.
Përshëndetën ,Profesor Asoc.Dr Muhamet Bela, Arkeolog dhe figure e shquar e Hasit ,Bashkim Lajci , Profesor i etnografisë ne Prishtine ,Besim Z Cengu, ish drejtor Gjimnazi ,poeti Tropojan Ali Sylaj, Nënprefekti i Hasit z.Selman Geca , si dhe redaktorja e librit prof .Migena Arllati e cila mori dhe fjalën e hapjes së aktivitetit.
Në promovim morën pjesë Ali Asllani nga Peja dhe aktivisti Tropojan Shpend Bisheva ,si dhe valltarja tjetër Bube Mici , Koka e Shqiponjes s’e Festivaleve
Një përshëndetje ketij aktiviteti idërgoi nga Tropoja ( Ne pamundësi te marrjes pjese ) ,poeti 90 vjecar Shaban Balia i derës së Nokshiqëve ,me banim ne Teksas ,USA :
Prej Nji plaku mall Nokshiqi ,percjell n’Has tek Servet Bytyci …
Rinue Rrudhat mu kane prej gezimit
ne Lulebozhuren e Dugagjinit …
.
Lumi Hasi per ty Servet ,linde poet te ka për hasret…
Gëzohu Krume ,krenohu shume
poezia të rrjedhe si lume.
rrjedh si mjalta e trumzës n’hoje
si Valbona përmes Tropoje.
Këto fjale janë më shumë se një “autopsi” e librit dhe ajka e gjithë kësaj fjale .
Kritiku i njohur letrar ,dhe një prej figurave më të arrira të artit kulturës sonë ,profesori Besim R Cengu , e vlerëson lart këtë libër duke vënë në pah larminë tematike te tij ,si dhe mjeshtërinë e fjalës se “latuar” artistike duke përcjellë mesazhin e duhur tek lexuesit.
Ndërsa shkrimtari Tropojan Arben Malvataj e vlerësoi librin si të rrallë, dhe uroi qe ky libër të jete si fillimi i një “Cete te Profetenve ” duke iu referuar veprës se Bogdanit.
Një vlerësim shumë i lart ky që vetëkuptohet me dashamirësinë dhe entuziazmin e tij ndaj librit dhe autorit.
Libri është punuar në mënyrë shumë artistike nga fotografi Gjakovar Shkëlzen Rexha dhe shtypur në Shtypshkronjën ETERN ARS
me përfaqësues Erzen Pozharin .
Autori i i librit përshëndeti pjesëmarrësit duke i falënderuar për pjesëmarrjen dhe fjalët inkurajues ndaj vargjeve të tij poetike.
Ky libër kristalizon momentin dhe eternitin – shprehet Znj Arllati dhe padyshim për adhuruesit poezisë dhe artit shpresohet që të dalin në dritë krijime të tjera në të ardhmen.
Suksese!
