Por pas një kohe ai vendosi që të rikthehet në politikë dhe të vazhdojë drejtimin e partisë së tij, Aleanca për Kosovën e Re.
Edhe pse në zgjedhjet e fundit parlamentare ai nuk mundi të kalojë pragun prej 5% për të hyrë në Kuvend, megjithatë dy kandidatët e tij për kryetarë të komunave, kanë fituar zgjedhjet.
Mimoza Kusari-Lila nga AKR-ja qeverisë me Gjakovën, kurse Agim Bahtiri qeverisë me Mitrovicën.
Megjithëkëtë, derisa Bahtiri vazhdon të mbetet pjesë e AKR-së, Kusari-Lila ka vendosur të largohet nga kjo parti dhe ka paralajmëruar krijimin e një subjekti të ri politik, raporton lajmi.net.
Sidoqoftë, pas ndejës së sotme, duket se Pacollit i është shtuar bindja e ai gëzon përkrahje nga elektorati pasi oborri në shtëpinë e tij në Hajvali është mbushur me shumë të rinj e të reja.
Ndonëse në këtë ndejë janë duke marrë pjesë edhe këngëtarë të ndryshëm, e që shumë nga pjesëmarrësit ka mundësi të kenë shkuar për t’u kënaqur në një koncert pa pagesë, Pacolli ka deklaruar se ndjehet i lumtur pse ka marrë iniciativë për t’i ftuar fansat në shtëpinë e tij.
Ai madje ka treguar se këtë ide e kishte menduar para një viti kur disa fansa të tij i kishin bërë kërkesë për vizitë në shtëpinë e tij.
Pacolli ka treguar se ka angazhuar 300 pjesëtarë të sigurimit derisa ka thënë se deri më tash në oborrin e shtëpisë së tij kanë mbërritur më shumë se 20 mijë qytetarë.
Sidoqoftë, mbetet pikëpyetje nëse Pacolli sot u takua me fansat e facebook0ut apo me elektoratin e tij, ku në vend se të shkojë tek secili, ai secilin e ka ftuar në shtëpinë e tij.
