Policët duhet të jenë në gjendje gatishmërie gjatë gjithë kohën në këtë ditë, madje të punojnë edhe jashtë orarit të zakonshëm.
Sipas disa raporteve që kanë qarkulluar në media dhe në rrjetet sociale, thuhet se disa prej pjesëtarëve të Policisë të cilët kanë qenë në pushim vjetor u është bërë thirrje që të jenë në detyrë ditën e protestës.
Një gjë të tillë e hedh poshtë zëdhënësi i Policisë së Kosovës, Daut Hoxha. Ai për lajmi.net thotë se nuk ka ndonjë paralajmërim zyrtar për ndërprerjen e pushimit vjetor për këtë ditë.
Hoxha thotë se janë duke punuar në planin operativ për këtë ditë.
Ndryshe, të enjten partia më e madhe opozitare ka thirrur protestë gjithë popullore për të kundërshtuar sipas tyre, demarkacionin e kufirit të Kosovës me Malin e Zi dhe korrupsionin nëpër institucionet e Kosovës.
