Shefi i diplomacisë kosovare, Enver Hoxhaj përmes llogarisë së tij në Facebook ka bërë të ditur se që nga sot ka nisur ofrimi i shërbimeve konsullore në Bari të Italisë.
“Nga sot kemi nisur me ofrimin e shërbimeve konsullore në Bari të Italisë për të gjithë bashkëqytetarët tanë që do ta shfrytëzojnë këtë port për pushime dhe gjatë kthimit mbrapa në vendet e tyre të punës. E falënderoj ministrin Bushati për angazhimin e tij që Konsullata e Shqipërisë të jetë në dispozicion dhe në shërbim të qytetarëve të Kosovës. Po jetësojmë çdo ditë partneritetin strategjik ndërmjet dy vendeve tona”, ka shkruar Hoxhaj.
