Aktiviteti kryesor ishte paraparë që të mbahet në Prekaz, në “Kompleksin e Jasharëve”, por për shkak të ndryshimeve të motit ky aktivitet do të mbahet në ambientet e Fakultetit të Arkitekturës në Prishtinë.
“Shkaku i motit të paparashikueshëm, Ministria e Diasporës ka vendosur që të ndërrojë lokacionin e mbajtjes së ceremonisë qendrore të Ditës së Diasporës për ndarjen e çmimeve “Mërgimtari i Vitit dhe Shkrimi/Storia më e mirë e vitit për Diasporën dhe Mërgatën’”.
“Lokacioni i ri është MODELARIUMI i Fakultetit të Arkitekturës në Prishtinë (prapa Ministrisë së Arsimit, Shkencës dhe Teknologjisë), ndërsa koha mbetet e pandryshueshme 20:00”, thuhet në komunikatë.
