Pjesëtarët e njësitit special të xhandarmërisë turke mëngjesin e sotëm në qytetin Muglla kanë arrestuar dy pjesëtarë të forcave të armatosura turke, të cilët në natën e tentativës për grusht shteti kryen një sulm në hotelin në të cilin kishte qëndruar presidenti i Turqisë, Recep Tayyip Erdoğan , raporton Anadolu Agency (AA).
Mbrëmë forcat e sigurisë arrestuan nëntë puçistë, ndërkohë që ka vazhduar operacioni për gjetjen e puçistëve të tjerë.
Puçistët e arrestuar janë mbajtur shkurt në stacionin policor në Marmaris për t’u dërguar më vonë në Njesitin për luftë kundër krimit të organizuar në Muglla.
Njëri nga dy puçistët e kapur së fundmi është gjetur në një pemë në pjesën malore të Mugla-s, dhe i njëjti për një kohë të gjatë u kishte rezistuar përpjekjeve të forcave të rendit për ta bindur të zbresë poshtë.
Në sulmin mbi hotelin në të cilin qëndroi presidenti i Turqisë, Erdoğan, kanë marrë pjesë gjithsej 37 ushtarë.
