Miliona myslimanë nëpër botë e kanë filluar agjërimin e muajit të Ramazanit.
Autoritetet në Arabi Saudite, vendi prej nga Islami e ka origjinën, kanë njoftuar se hëna e re e Ramazanit është vënë re mbrëmjen e djeshme, dhe se muaji i Ramazanit fillon pikërisht aty.
Njoftime të ngjashme janë bërë edhe në Indonezi, vendi më i populluar në botë me myslimanë, si dhe në Egjipt, Jordani, Katar, Afganistan dhe vende të tjera.
Myslimanët e përcjellin kalendarin hënor përmes një metodologjie të vëzhgimit të hënës dhe për këtë shkak disa shtete e fillojnë Ramazanin një ditë apo dy më vonë.
Agjërimi gjatë Ramazanit bëhet për qëllim që besimtarët të kujtohen për vuajtjet e atyre që konsiderohen me më pak fat në të mira materiale.
