Hallet nuk kanë fund për Ardiatik Llallën. Pasi ambasada amerikane në Tiranë diskreditoi udhëtimin e tij në ShBA dhe hodhi pikpyetje të mëdha për mardhëniet e saj me kryeprokurorin, tani vjen një tjetër lajm i keq për të. ABC NEWS ka njoftuar në një lajm ekskluziv se ndaj Llallës dhe njerzve të tij më të afërt në institucionin e akuzës ka filluar tashmë proceduar për verifikimin e pasurisë. “Inspektoriati i Lartë i Deklarimit dhe Kontrollit të Pasurisë dhe konfliktit te interest, ka nisur hetimin pasuror për kryeprokurorin Adriatik Llalla.
Lajmi konfirmohet nga burimet zyrtare pranë këtij institucioni, që deri pak vite më parë u drejtua nga prokurori i përgjithshëm Adriatik Llalla” thuhet në lajmin e ABC.
Burimet e tij i thanë këtij televizioni se hetimit të detajuar pasuror, përveç kryeprokurorit Llalla, do t’i nënshtrohen edhe 3 prokurorët që shoqërojnë atë gjatë vizitës në SHBA.
“Është urdhëruar nga kryeinspektori i përgjithshëm i ILDKPKI-së të nisë hetimi pasuror për prokruorin e përgjithshëm Adriatik Llalla, drejtoreshën e marrëdhënieve me jashtë në këtë institucion, prokruoren Rovena Gashi, drejtuesin e prokurorisë për krime të rënda Besim Hajdarmata dhe shefin e akuzës së kryeqytetit Petrit Fusha. Të katër këta zyrtarë të prokurorisë, do t’i nënshtrohen një verifikimi të hollësishëm të pasurisë”, kanë thënë burime të këtij institucioni.
Po i njëjti burim, konfirmoi faktin se verifikimit pasuror do t’i nënshtrohet edhe drejtuesi i prokurorisë së Durrësit Agron Gjana, për të cilin zyrtarë të ambasadës amerikane thanë se i është refuzuar viza për në SHBA, edhe pse ishte pjesë e delegacionit me kryeprokurorin Llalla.
Pas këtyre lajmeve pyetja që shtrohet është: Çpo ndodh me Llallën dhe me kupolën drejtuese të prokurorisë?
Version i parë është një hetim normal Instucionit të deklarimit të pasurive. Por kjo pak gjasa që të jetë e vërtetë, pasi ky organ prej kohësh është në gjumë letargjik dhe nuk ka marrë asnjë nismë serioze ndaj zyrtarëve të lartë.
Version i dytë është armiqësia personale që ekziston mes Adriatik Llallës dhe drejtuesit të ILDKPK, Shkëlqim Ganajt.
Por hipoteza më e mundshme është ajo e një komploti të padronëve të reformës në drejtësi kundrejt Llallës.
Lapsi.al, mëse njëherë i ka raportuar përplasjet që ka pasur kryeprokurori me ambasadorin amerikan Lu për reformën në drejtësi. Po ashtu janë raportuar edhe lëvizjet e fundit të Llallës për të blinduar sektorin antikorrupsion që aq shumë u intereson amerikanëve, me njerëz të tij, që i ka emëruar kohët e fundit.
Pikërisht këto lëvizje kanë çuar në përplasje më të mëdha të cilat sollëb së fundi edhe diskreditimin e vizitës së kryeprokurorit në ShBA (nuk e pret FBI dhe DIA njoftoi ambasada amerikane, dhe mosdhënien e vizës për njërin nga të besuarit e tij, Agron Gjana.
Prandaj pyetja është: a janë pas këtyre lëvizjeve diplomatët amerikanë?
Dhe më tej akoma: a po orkestrohet një kryqëzatë kundër Llallës nga selia e rrugës së Elbasanit?
